- Advertisement -

અજેય કોલકાતા સામે ચેન્નાઈ પુનઃ જીતની રાહ પર આવવાનો પ્રયાસ કરશે

- Advertisement -

ડિફેન્ડિંગ ચેમ્પિયન ચેન્નાઈ સુપર કિંગ્સ સળંગ બે મેચમાં પરાજયનો સામનો કર્યા બાદ આવતીકાલે ટુર્નામેન્ટમાં અત્યાર સુધી અજેય રહેલી કોલકાતા નાઈટ રાઈડર્સની ટીમ સામે ટકરાશે. ચેપોકમાં બંને ટીમો આમને-સામને થશે જેમાં ઋતુરાજ ગાયકવાના નેતૃત્વ હેઠળની સીએસકે પુનઃ જીતની રાહ પર આવવાનો પ્રયાસ કરશે. આઈપીએલની 17મી સિઝનમાં અત્યાર સુધી બે ટીમો રાજસ્થાન રોયલ્સ અને કોલકાતા નાઈટ રાઈડર્સ અજેય રહી છે.

- Advertisement -

ચેપોકની પિચ પર રનના ઢગલાં થવાની સંભાવના રહેલી છે. સાંજે 7.30થી મેચનો પ્રારંભ થશે. ચેન્નાઈની ટીમને તેના ટોચના ક્રમના બેટ્સમેનો પાસેથી મજબૂત શરૂઆતની અપેક્ષા રહેશે. સળંગ બે પરાજય છતાં ટીમના મનોબળ પર કોઈ પ્રતિકૂળ અસર નથી પડી. તેમ છતાં મેનેજમેન્ટ ત્રૂટીઓને ઝડપથી સુધારવા પ્રયાસ કરશે. ગાયકવાડ અને તેના ઓપનિંગ જોડીદાર કિવી બેટ્સમેન રચિન રવીન્દ્ર પાસેથી ટીમને મજબૂત શરૂઆત અપાવવાની આશા રહેશે. ગાયકવાડની સ્ટ્રાઈક રેટ 118.91ની છે પરંતુ રવીન્દ્ર છેલ્લા બે મુકાબલામાં ખાસ કમાલ કરી શક્યો નથી. સીએસકેનો સર્વાધિક રન કરનાર બેટ્સમેન શિવમ દુબે છે જેણે 160.86ની સ્ટ્રાઈક રેટ સાથે અત્યાર સુધીમાં 148 રન ફટકાર્યા છે.

- Advertisement -

દુબે શ્રેષ્ઠ ફોર્મ ધરાવે છે અને મિડલ ઓર્ડરમાં તે હરીફ ટીમના બોલર્સ સામે ફટકાબાજીમાં માહેર છે. હૈદરાબાદ સામે યુવા બેટ્સમેન સમીર રિઝવીના સ્થાને મોઈન અલીને ટીમમાં સામેલ કરાયો હતો. હવે ગુજરાત ટાઈટન્સ વિરુદ્ધ આઈપીએલ ડેબ્યૂ કરનાર રિઝવીને ટીમમાં પુનઃ લેવામાં આવે છે કે કેમ તે જોવું રહેશે. સીએસકેના ટોચના બોલર મુસ્તફિઝર રહેમાન અને મથીશા પથિરાના ગત મેચમાં ઉપલબ્ધ નહતા. કોલકાતા સામે પણ આ બંને બોલર્સ ઉપલબ્ધ નહીં હોય તો સીએસકે માટે મુશ્કેલી વધી શકે છે. દીપક ચાહર અને તુષાર દેશપાંડેની જવાબદારીમાં વધારો થઈ શકે છે. કોલકાતાની ટીમે બેટિંગમાં નિર્ભિક અભિગમ અપનાવ્યો છે જેનું પરિણામ અત્યાર સુધી સારું મળ્યું છે. સુનીલ નારાયણ, ફિલ સોલ્ટ, વેંક્ટેશ ઐયર, શ્રેયસ ઐયર, આન્દ્રે રસેલ તથા રિન્કુ સિંઘ સાથે ટીમ બેટિંગમાં મજબૂત લાઈન અપ ધરાવે છે.

- Advertisement -
- Advertisement -