- Advertisement -

સૌ પ્રથમ કોણે કરી નવરાત્રિમાં માતા શક્તિની આરાધના,નવ દિવસ કોણે રાખ્યુ વ્રત

- Advertisement -
  • શક્તિ સ્વરૂપા દેવી દુર્ગાને પ્રસન્ન કરવા માટે, નવરાત્રિ વર્ષમાં ચાર વખત ઉજવવામાં આવે છે
  • એક વખત શારદીય અને એક વખત ચૈત્ર નવરાત્રિ
  • આ સિવાય ભક્તો ગુપ્ત નવરાત્રિ દરમિયાન બે વાર દેવી દુર્ગાની પૂજા કરે છે

નવરાત્રિ દરમિયાન દેવી દુર્ગાના નવ સ્વરૂપોની પૂજા કરવામાં આવે છે. શક્તિ સ્વરૂપા દેવી દુર્ગાને પ્રસન્ન કરવા માટે, નવરાત્રિ વર્ષમાં ચાર વખત ઉજવવામાં આવે છે, એક વખત શારદીય અને એક વખત ચૈત્ર નવરાત્રિમાં, આ સિવાય ભક્તો ગુપ્ત નવરાત્રિ દરમિયાન બે વાર દેવી દુર્ગાની પૂજા કરે છે.

- Advertisement -

નવરાત્રિ દરમિયાન માતાની પૂજા કરવાની પરંપરા સદીઓથી ચાલી આવે છે. પરંતુ, શું તમે જાણો છો કે નવરાત્રિની શરૂઆત ક્યારે અને કેવી રીતે થઈ? નવરાત્રિ દરમિયાન 9 દિવસ ઉપવાસ કરનાર સૌપ્રથમ કોણ હતા? નવરાત્રિની ઉજવણી કેવી રીતે શરૂ થઈ અને સૌપ્રથમ નવરાત્રિનું વ્રત કોણે રાખ્યું.

- Advertisement -

નવરાત્રિની શરૂઆત કેવી રીતે થઈ?

- Advertisement -

મા દુર્ગા પોતે શક્તિનું મૂર્ત સ્વરૂપ છે અને નવરાત્રિ દરમિયાન તમામ ભક્તો તેમની પૂજા કરે છે અને આધ્યાત્મિક શક્તિ, સુખ અને સમૃદ્ધિ મેળવવા માટે ઉપવાસ કરે છે. નવરાત્રિ શરૂ કરનાર રાજાએ પણ આધ્યાત્મિક શક્તિ અને દેવી દુર્ગા પાસેથી વિજયની પ્રાર્થના કરી હતી. વાલ્મીકિ રામાયણમાં ઉલ્લેખ છે કે, લંકા પર ચડાઇ કરતા પહેલા ભગવાન રામે કિષ્કિંધા પાસે ઋષ્યમુક પર્વત પર દુર્ગાની પૂજા કરી હતી. ભગવાન બ્રહ્માએ ભગવાન રામને દેવી દુર્ગાના સ્વરૂપ ચંડી દેવીની પૂજા કરવાની સલાહ આપી અને બ્રહ્માજીની સલાહ પ્રાપ્ત કર્યા પછી, ભગવાન રામે પ્રતિપદા તિથિથી નવમી તિથિ સુધી ચંડી દેવીની પૂજા અને પાઠ કર્યા.

નવરાત્રિની શરૂઆત કયા રાજાએ કરી?

ચંડી પૂજાની સાથે જ ભગવાન બ્રહ્માએ રામજીને કહ્યું કે ચંડી પૂજા અને હવન પછી તમે 108 કમળ ચઢાવશો તો જ તમારી પૂજા સફળ થશે. આ વાદળી કમળ દુર્લભ માનવામાં આવે છે. રામજીને તેમની સેનાની મદદથી આ 108 વાદળી કમળ મળ્યા, પરંતુ જ્યારે રાવણને ખબર પડી કે રામ ચંડી દેવીની પૂજા કરી રહ્યા છે અને વાદળી કમળની શોધ કરી રહ્યા છે, ત્યારે તેમણે પોતાની જાદુઈ શક્તિથી એક વાદળી કમળને ગાયબ કરી દીધું. ચંડી પૂજાના અંતે, જ્યારે ભગવાન રામે તે વાદળી કમળ અર્પણ કર્યા, ત્યારે તેમની વચ્ચે એક ઓછું કમળ હતું. આ જોઈને તે ચિંતિત થઈ ગયા અને અંતે તેણે કમળને બદલે દેવી ચંડીને પોતાની એક આંખ અર્પણ કરવાનું નક્કી કર્યું. જેમ રામજીએ આંખ અર્પણ કરવા માટે તીર ઊંચક્યું, માતા ચંડી પ્રગટ થયા અને તેમની ભક્તિથી પ્રસન્ન થયા અને તેમને વિજયના આશીર્વાદ આપ્યા.

નવરાત્રિનું વ્રત સૌપ્રથમ કોણે રાખ્યું હતું?

પછી પ્રતિપદાથી નવમી સુધી ભગવાન શ્રી રામે ચંડી દેવીને પ્રસન્ન કરવા માટે અન્ન, પાણી કે કંઈ લીધું ન હતું. ભગવાન રામે નવ દિવસ સુધી દેવી દુર્ગાના સ્વરૂપ ચંડી દેવીની પૂજા કર્યા બાદ રાવણ પર વિજય મેળવ્યો હતો. ત્યારથી નવરાત્રિની ઉજવણી અને 9 દિવસના ઉપવાસ શરૂ થયા. ભગવાન રામ પ્રથમ રાજા અને પ્રથમ મનુષ્ય હતા જેમણે નવરાત્રિના 9 દિવસનો ઉપવાસ કર્યો હતો.

ચૈત્ર નવરાત્રિ 2024 ક્યારે છે?

વર્ષ 2024માં 9 એપ્રિલથી ચૈત્ર નવરાત્રિનો પ્રારંભ થવા જઈ રહ્યો છે. દેવી માતાના આશીર્વાદ મેળવવા માટે, ભક્તો વ્રત રાખે છે જે ખૂબ જ શુભ અને ફળદાયી માનવામાં આવે છે. નવરાત્રિ દરમિયાન ભક્તિભાવથી માતાની પૂજા કરવાથી જીવનની તમામ પરેશાનીઓમાંથી મુક્તિ મળે છે. નવરાત્રિના પ્રથમ દિવસે કળશની સ્થાપના વિધિ-વિધાન સાથે કરવામાં આવે છે.

(નોંધ: અહ્યા અપાયેલી માહિતી ધાર્મિક અને લોક માન્યતા પર આધારિત છે. આનું કોઈ વૈજ્ઞાનિક પુરાવો નાં હોઈ સકે. સામાન્ય હિત અને માહિતી ને ધ્યાન માં રાખીને અહ્યાં આ માહિતી ને અમે પ્રસ્તુત કરી રહ્યા છીએ.)

- Advertisement -
- Advertisement -