મોટાપો સ્વાસ્થ્ય માટે અનેક રીતે જોખમી છે. વધારે પડતું વજન અનેક ગંભીર બીમારીઓને આમંત્રણ આપે છે. આજકાલની ફાસ્ટ લાઈફ સ્ટાઈલમાં અનેક લોકો મોટાપાથી પરેશાન છે. ઘણા લોકો વજન ઉતારવા માટે જીમમાં કલાકો સુધી પરસેવો પાડે છે. જો કે અત્યારે લોકોની લાઈફસ્ટાઈલ એટલી વ્યસ્ત થઈ ગઈ છે કે, તેમની પાસે વર્કઆઉટ માટે પણ સમય નથી રહેતો.
અત્યારે આપણે એવા ઑફિસ કલ્ચરમાં જીવી રહ્યા છીએ કે, વ્યક્તિ ઑફિસ ઉપરાંત પરિવાર માટે પણ માંડ સમય કાઢી શકે છે. એવામાં કસરત કરવા માટે સમય ક્યાંથી કાઢવો? જો કે તમારા આ પ્રશ્નનો જવાબ અમે તમને જણાવવા જઈ રહ્યા છીએ.
હકીકતમાં વજન ઘટાડવા માટે તમારી ડાયટ ખૂબ જ મહત્ત્વની છે. એટલે કે, તમારે જાણવું જરૂરી છે કે, ક્યારે, ક્યાં અને કેટલું ખાવું? જો આ પ્રશ્નોના જવાબ તમે જાણી ગયા, તો તમારા પેટની ચરબી ગરમ તવા પર મૂકેલા માખણની જેમ પીગળવા લાગશે.
જો તમે તમારી ડાયટમાં ફાઈબર, વિટામિન અને પોષક તત્વોથી ભરપુર વાનગીઓને સામેલ કરી શકો છે. જેના કારણે તમને જરૂરી પોષક તત્વો મળે અને શરીર પણ ભરેલું રહે. જેથી લાંબા સમય સુધી ભૂખ પણ નહીં લાગે. પ્રોટીન આપણા શરીરમાં માંસપેશીઓના વિકાસમાં મદદરૂપ થાય છે. જે લોકો વજન ઘટાડવાનો પ્રયત્ન કરી રહ્યા હોય, તેમણે પોતાની ડાયટમાં પ્રોટીનનું પ્રમાણ વધારવું રહ્યું. જેથી માંસપેશિઓ મજબૂત થશે, તો આપોઆપ મેટાબૉલિઝ્મ પણ વધશે. જેનાથી વજન ઘટાડવામાં મદદ મળશે.
આ ઉપરાંત ફાઈબરથી ભરપુર ખાદ્ય પદાર્થોને પણ તમારી ડાયટમાં સામેલ કરો. જેમ કે બાજરી, ફળ અને લીલા શાકભાજી વગેરે. વજન ઘટાડવા માટે સૌથી મહત્ત્વપૂર્ણ વાત તમારે તમારા પાચન તંત્રનું ધ્યાન રાખવું જોઈએ. જો તમારું પાચન તંત્ર ઠીક હશે તો વજન કરવું તમારા માટે વધારે સરળ થઈ જશે.
બીજુ વજન ઘટાડવા માટે તમારે જીવનશૈલીમાં ફેરફાર કરવો જરૂરી છે. એટલે કે તમારી કેટલીક ખોટી આદતો જેમ કે મોડા સુધી જાગવું, મોડા ભોજન કરવું તેમજ બેઠાળું જીવન. જો આવું હોય તો તમારે તમારી દિનચર્યામાં કસરતને સામેલ કરવી જ રહી.
નોંધ: આ લેખ માં આપેલી તમામ માહિતી માત્ર જાણકારી નાં ઉદ્દેશ્ય થી આપવામાં આવી છે. સ્વાસ્થ્ય ને લગતી કોઈ પણ માહિતી નું પાલન કરતા પહેલા તમારા ડૉક્ટર ની સલાહ અવશ્ય લેવી.