આજે ટ્રાય કરો ચટપટા ડુંગળીના પરાઠા, નોંધી લો રેસિપી

ચટપટું અને અવનવું ખાવાનું મન થયું હોય તો આજે બનાવો ડુંગળીના પરાઠા. આ થોડી યુનિક રેસિપી છે. એકવાર બની ગયા પછી સાંજના નાસ્તામાં ચા સાથે મજા પડશે. ચાલો બનાવીએ ડુંગળીના પરાઠા.

ડુંગળીના પરાઠા બનાવવાની સામગ્રી

• ડુગળી,
• મીઠું,
• લાલ મરચુ પાવડર,
• તલ,
• આમચુર પાવડર,
• અજમો,
• ચાટ મસાલો,
• કોથમરી,
• લીલા મરચા ,
• તેલ,
• ઘઉનો લોટ
• શેકેલા જીરાનો પાવડર

• ધાણાજીરું.

ડુંગળીના પરાઠા બનાવવાની રીત

• બાઉલમાં બારીક ચોપરમાં ચોપ કરેલી ડુંગળી લો. તેમા મીઠું, લાલ મરચુ પાવડર, તલ, આમચુર પાવડર, અજમો, ચાટ મસાલો, બારિક સમારેલી કોથમરી અને લીલા મરચા ઉમેરો.
• બધુ મિક્સ કરી ત્રણ મિનિટ સાઈડમાં મૂકી દો. પછી તેમા શેકેલા જીરાનો પાવડર અને ઘાણાજીરું ઉમેરો.
• હવે તેમા એક કપ રોટલીનો લોટ ઉમેરી બરાબર મિક્સ કરી લોટ બાંધો. જરૂર પ્રમાણે લોટ અને પાણી ઉમેરી લોટ થોડો કડક રાખવો. પછી તેલ ઉમેરી બરાબર મસળી લેવો.
• હવે નાના લુવા બનાવી, પાટલી પર લોટ નાખી પરાઠા વણી લો.
• પછી તવી પર તેલની મદદથી બરાબર શેકી લો. તો તૈયાર છે તમારા ડુંગળીના પરાઠા.