રોજિંદા જીવનમાં વાસ્તુશાસ્ત્રના સિદ્ધાંતોને ધ્યાનમાં રાખીને વ્યક્તિ ખૂબ જ સકારાત્મક પરિણામો મેળવી શકે છે. લોકો પોતાના ઘરમાં અલગ-અલગ પ્રકારની તસવીરો લગાવવાનું પસંદ કરે છે. આ ઉપરાંત તે ઘરની સુંદરતામાં પણ વધારો કરે છે. આવી સ્થિતિમાં જો તમે ફોટો પસંદ કરતી વખતે વાસ્તુના નિયમોને ધ્યાનમાં રાખો છો, તો તમે તેનાથી ઘણા ફાયદા મેળવી શકો છો.
કરિયરમાં થશે પ્રગતિ
વાસ્તુશાસ્ત્રની માન્યતાઓ અનુસાર ઘરમાં એકસાથે દોડતા ઘોડાઓની તસવીર લગાવવી ખૂબ જ શુભ માનવામાં આવે છે. તેનાથી કરિયરમાં પ્રગતિ થઈ શકે છે. પરંતુ જો તમે દિશાનું પણ ધ્યાન રાખશો તો જ તમને તેનો લાભ મળી શકશે. તેથી આ ચિત્ર ઘરની દક્ષિણ દિશામાં લગાવવું જોઈએ.
જળવાઈ રહેશે સુખ અને શાંતિ
ઘરમાં બુદ્ધનું ચિત્ર લગાવવાથી સુખ-શાંતિનું વાતાવરણ બને છે. આ માટે તમારે તેને ઘરની પૂર્વ અથવા ઉત્તર-પૂર્વ દિશામાં રાખવું જોઈએ. બીજી તરફ જો તમે ઘરની દક્ષિણ દિશામાં મોરનું ચિત્ર લગાવો છો તો તેનાથી તમારું ભાગ્ય વધી શકે છે. તેની સાથે ઘરની ઉત્તર-પૂર્વ દિશામાં કમળનું ચિત્ર લગાવવાથી પણ લાભ મેળવી શકો છો.
જરૂર રાખો દિશાનું ધ્યાન
ઘરમાં પ્રાકૃતિક દ્રશ્યો જેમ કે, પહાડો, ધોધ વગેરેની તસવીરો લગાવવી પણ ખૂબ જ શુભ માનવામાં આવે છે. પહાડોની તસવીરો લગાવવાથી જીવનમાં સ્થિરતા જળવાઈ રહે છે. વાસ્તુ અનુસાર તેને ઘરની દક્ષિણ-પશ્ચિમ દિશામાં લગાવવી વધુ સારું માનવામાં આવે છે. ધોધની તસવીર ઘરની પૂર્વ દિશામાં લગાવવી જોઈએ. તેનાથી ધન આગમનના માર્ગ ખુલે છે.
(નોંધ: અહ્યા અપાયેલી માહિતી ધાર્મિક અને લોક માન્યતા પર આધારિત છે. આનું કોઈ વૈજ્ઞાનિક પુરાવો નાં હોઈ સકે. સામાન્ય હિત અને માહિતી ને ધ્યાન માં રાખીને અહ્યાં આ માહિતી ને અમે પ્રસ્તુત કરી રહ્યા છીએ.)