નતાશા સ્ટેનકોવિક અને હાર્દિક પંડ્યાએ આ વર્ષે જુલાઈ 2024માં તેમના છૂટાછેડાની જાહેરાત કરી હતી. બંનેએ એકસાથે એક નિવેદન બહાર પાડ્યું હતું જેમાં તેઓએ જણાવ્યું હતું કે 4 વર્ષ સુધી સાથે રહ્યા બાદ તેઓએ પરસ્પર સંમતિથી અલગ થવાનો નિર્ણય કર્યો છે પરંતુ તેઓ તેમના પુત્ર અગસ્ત્યની સંભાળ એક સાથે રાખશે. જોકે, આ નિર્ણયથી તેના ફેન્સ ઘણા નિરાશ થયા અને લોકો નતાશાને ખૂબ ટ્રોલ કરવા લાગ્યા હતા.
બાદમાં સમાચાર આવ્યા કે, હાર્દિક કોઈને ડેટ કરી રહ્યો છે.
આ સમાચાર સામે આવ્યા બાદ યુઝર્સે નતાશાની માફી માંગવાનું શરૂ કરી દીધું હતું. આ દરમિયાન સોશિયલ મીડિયા પર એક વીડિયો વાયરલ થઈ રહ્યો છે જેમાં નતાશા અને હાર્દિક છૂટાછેડાના 2 મહિના બાદ સામસામે આવી ગયા હતા. વીડિયોમાં બંનેની પ્રતિક્રિયા ઝડપથી વાયરલ થઈ રહી છે. હકીકતમાં છૂટાછેડાની જાહેરાત બાદ નતાશા તેના પુત્ર અગસ્ત્ય સાથે સર્બિયામાં તેના હોમ ટાઉન ગઈ હતી. જ્યાંથી તે પરત ફર્યો છે. આવી સ્થિતિમાં પુત્રને જોતા જ હાર્દિકની ખુશીનો પાર ન રહ્યો અને તેણે તરત જ તેને પોતાના ખોળામાં લઈ લીધો હતો.
શું નતાશા અને હાર્દિક છૂટાછેડાના 2 મહિના પછી મળ્યા?
નતાશા અને હાર્દિક પંડ્યાની આ મુલાકાતને લઈને ચાહકો પણ ખૂબ જ ઉત્સાહિત જણાતા હતા. હાર્દિકે તેના પુત્ર અગસ્ત્યને જોયો કે તરત જ તેણે તેને પોતાના ખોળામાં ઉઠાવી લીધો હતો. આ દરમિયાન હાર્દિકના મોટા ભાઈ કૃણાલનો પુત્ર પણ તેની સાથે જોવા મળ્યો હતો. વિડીયોમાં જોઈ શકાય છે કે હાર્દિક તેના પુત્રને ખોળામાં ઉઠાવીને ખુશીથી ચીસો પાડી રહ્યો છે. પછી બંને બાળકોને ખોળામાં લઈને કાર તરફ આગળ વધે છે. નતાશા પણ અગસ્ત્યને ખોળામાં લઈને હાર્દિકની પાસે ઉભી હોય અવું લાગી રહ્યું છે. ફેન્સ કહી રહ્યા છે આ નતાશા છે તો કોઈ કહી રહ્યું છે આ નતાશા નથી હાર્દિકની ભાભી છે.
Reunited 🥹🫶🤍 pic.twitter.com/szZ2PpBCcl
— Hardiklipsa (@93Lipsa) September 21, 2024
વીડિયોમાં સ્પષ્ટ દેખાતું નથી કે હકીકતમાં આ નતાશા છે કે હાર્દિકની ભાભી પંખુરી. આ વીડિયો જોઈને લોકો નતાશા અને હાર્દિક ફરી એકવાર સાથે દેખાયો અવું માનીને ખુશ થઈ રહ્યા છે.
લગ્નના 4 વર્ષ પછી બંનેના છૂટાછેડા થઈ ગયા
બંનેના ફેન્સ પણ આ વાયરલ વીડિયો પર કોમેન્ટ કરીને પોતાનો ઉત્સાહ વ્યક્ત કરી રહ્યા છે. નતાશા સ્ટેનકોવિક અને હાર્દિક પંડ્યાએ વર્ષ 2020માં કોરોના મહામારી દરમિયાન લગ્ન કર્યા હતા. આ પછી બંનેએ તેમના પુત્ર અગસ્ત્યનું સ્વાગત કર્યું. બંનેએ 2023માં તેમના પરિવાર અને મિત્રોની હાજરીમાં ખૂબ જ ધામધૂમથી લગ્ન કર્યા હતા. જોકે, લગ્નના એક વર્ષ બાદ બંનેએ છૂટાછેડા લેવાનો નિર્ણય કર્યો જેણે ચાહકોનું દિલ તોડી નાખ્યું હતું.