બજાર જેવું ટેસ્ટી ખીચું બનાવવાની રેસિપી

ગુજરાતી ખીચું રેસીપી: ગરમા ગરમ અને ટેસ્ટી ખીચું બધાને ભાવતું હોય છે. ગાર્ડનમાં જઈએ તો ત્યાં ગરમા ગરમ ખુચું મળતું જ હોય છે.

ખીચું બનાવવાની સામગ્રી

• ચોખાનો લોટ
• આખું જીરું
• મીઠું
• લીલા મરચા
• અજમો
• કોથમરી
• ખાવાનો સોડા
• તેલ

• મેથીનો મસાલો

ખીચું બનાવવાની રીત

• કઢાઈમાં ત્રણ કપ પાણી ઉમેરી ગરમ કરો.
• હવે એક ચમચી જીરું ઉમેરી પાણી ઉકાળો
• પછી થોડું મીઠું અને સમારેલા લીલા મરચા ઉમેરો.
• હવે તેમા અજમો ઉમેરી થોડું મિક્સ કરો.
• તમે અહીં લસણ વાટીને પણ ઉમેરી શકો છો. જો ભાવે તો.
• થોડો ખાવાનો સોડા ઉમેરી, તમે પાપડ ખારો પણ ઉમેરી શકો છો.
• પછી સમારેલી કોથમરી ઉમેરો અને એક કપ ચોખાનો જીણો લોટ ઉમેરી વેલણની મદદથી મિક્સ કરો અને હલાવતા રહો.
• બધુ બરાબર મિક્સ કરો, જરૂર મુજબ ગરમ પાણી ઉમેરવું અને થોડીવાર પાકવા દો.
• હવે બાઉલમાં ખીચું લો, તેના પર સિંગતેલ અને તેના પર મેથીનો મસાલો ઉમેરી સર્વ કરો. તૈયાર છે તમારું ટેસ્ટી ખીચું.