બાબર આઝમે ODI અને T20ની કેપ્ટન્સી છોડી દીધી છે. બાબર આઝમ પાકિસ્તાનની ODI અને T20 ટીમના કેપ્ટન હતા પરંતુ તેમણે હવે આ પદ પરથી રાજીનામું આપી દીધું છે. બાબર આઝમે સોશિયલ મીડિયા પર સુકાની પદ છોડવાની જાહેરાત કરી હતી. PCBએ બાબર આઝમને સુકાની પદ છોડવા માટે પણ કહ્યું નથી.
અહેવાલો છે કે ચેમ્પિયન્સ ટ્રોફી સુધી બાબર આઝમને કેપ્ટન તરીકે રાખવાની વાત થઈ હતી પરંતુ તેમ છતાં ખેલાડીએ કેપ્ટનશીપ છોડી દીધી હતી.
પાકિસ્તાની મીડિયાનો દાવો છે કે બાબર આઝમને કેપ્ટન્સી છોડવાનું મુખ્ય કારણ વિરાટ કોહલી છે.
વિરાટનું નામ લઈને બાબરને સુકાનીપદ છોડવા મનાવવામાં આવ્યો?
પાકિસ્તાની અરફા ફિરોઝ જેકે દાવો કર્યો છે કે T20 વર્લ્ડ કપ 2024માં કારમી હાર બાદ બાબર આઝમ ખૂબ જ દબાણમાં હતો અને આ જ તેની કેપ્ટન્સી છોડવાનું સૌથી મોટું કારણ હતું. જો કે, આ પત્રકારે એવો પણ દાવો કર્યો હતો કે બાબર આઝમને તેના નજીકના મિત્રોએ વિરાટ કોહલીનું ઉદાહરણ આપીને કેપ્ટનશિપ છોડવા માટે સમજાવ્યા હતા. જે રીતે વિરાટ કોહલીએ 2021માં ટીમ ઈન્ડિયાની કેપ્ટનશીપ છોડી દીધી હતી તે જ રીતે બાબર આઝમે પણ આ નિર્ણય લીધો છે અને હવે તે પોતાની રમત પર ધ્યાન આપવા માંગે છે.
ફરીથી કેપ્ટન બનવા માંગતો ન હતો બાબર
પત્રકારનો એવો પણ દાવો છે કે બાબર આઝમ ફરીથી પાકિસ્તાનના કેપ્ટન બનવા માંગતા ન હતા પરંતુ તેમના પરિવારે તેમને ફરીથી આ ભૂમિકા ભજવવા માટે દબાણ કર્યું. પરંતુ બાબર આઝમનો આ નિર્ણય સાવ ખોટો સાબિત થયો. બાબર આઝમે કેપ્ટનશીપ છોડવાનું મન બનાવી લીધું હતું અને તેથી જ તે પાકિસ્તાનમાં તાજેતરમાં યોજાયેલા ચેમ્પિયન્સ ODI કપમાં કેપ્ટન બન્યો ન હતો.