2 ઓક્ટોબરના રોજ હિના ખાને એનો 37મો બર્થડે સેલિબ્રેટ કર્યો. એક વીડિયો શેર કરીને એક્ટ્રેસે એક લાંબી નોટ લખી છે. વીડિયોમાં હિના ખાનની આંખો પર પટ્ટી બાંધેલી જોવા મળી રહી છે. આ સાથે રૂમમાં એન્ટ્રી કરી રહી છે. રૂમમાં હિના ખાનના ફેન્સે એક્ટ્રેસ માટે એકથી એક હટકે ગિફ્ટ્સ મૂકી છે. ફેન્સનો પ્રેમ અને સ્નેહ જોઈને હિના ખાન ભાવુક થઈ જાય છે.
આટલું જ નહીં, એક ફેને તો અક્ષરાની પણ યાદ અપાવી દીધી. હિના ખાન “યે રિશ્તા ક્યા કહેલાતા હૈ” માં અક્ષરાની ભૂમિકા નિભાવીને ફેમસ થઈ હતી.
હાલમાં હિના ખાન સ્તન કેન્સર સામે લડી રહી છે. હિનાએ વીડિયો શેર કરીને કેપ્શનમાં લખ્યું છે કે, ‘શું સરપ્રાઇઝ છે. આટલાં વર્ષ થઈ ગયા, પરંતુ દર વર્ષે તમારા સપોર્ટ અને વખાણથી અભિભૂત રહી છું, મારા જીવનમાં તમે બધા મારી તાકાત બની રહ્યાં છો. મને વિશ્વાસ છે કે મને કંઈ પણ થઈ જાય તો તમે હંમેશા મારી સાથે રહેશો. તમારો બધાનો આટલો પ્રેમ મેળવીને હું ધન્ય છું.’