આલિયા ભટ્ટે એલન વોકરના શોમાં અચાનક પહોંચીને ફેન્સને આપી સરપ્રાઇઝ, સોશિયલ મીડિયા પર તસવીરો થઇ વાયરલ

by

વાસન બાલા દ્વારા નિર્દેશિત આ ફિલ્મની રિલીઝ ડેટ ખૂબ જ નજીક છે અને તેથી જ આલિયા આ દિવસોમાં તેની ફિલ્મનું જોરશોરથી પ્રમોશન કરી રહી છે. આ દરમિયાન, અભિનેત્રીએ બેંગલુરુમાં ગ્રેમી વિજેતા ડીજે એલન વોકરના શોની ઓચિંતી મુલાકાત લઈને ચાહકોને આશ્ચર્યચકિત કર્યા હતા. અભિનેત્રીએ ચાહકોનું અભિવાદન કરતાં કહ્યું કે, “હેલો બેંગલુરુ.

સરપ્રાઈઝ, સરપ્રાઈઝ.”

ફિલ્મ જીગરાનું પ્રમોશન

આલિયાની એન્ટ્રી થતાં જ બેકગ્રાઉન્ડમાં ફિલ્મનું ગીત ‘ચલ કુડિયે’ વાગવા લાગ્યું હતું. અભિનેત્રી બ્લેક સ્કર્ટ અને ટ્યુબ ટોપ કો-ઓર્ડ સેટ પહેરીને આકર્ષક દેખાતી હતી અને તેના વાળ સ્લીક પોની ટેલમાં બાંધેલા હતા. આ શો સાથે જોડાયેલી અભિનેત્રીની ઘણી તસવીરો અને વીડિયો સોશિયલ મીડિયા પર હેડલાઇન્સ બની રહ્યા છે.

આલીયા ભટ્ટની તસવીરો

ફેન્સ પણ આ તસવીરો અને વીડિયો પર વિવિધ કોમેન્ટ કરીને પોતાની લાગણી વ્યક્ત કરી રહ્યા છે. તસવીરો શેર કરતી વખતે, એક ચાહકે લખ્યું, “ઓએમજી????? એલન વોકર કોન્સર્ટમાં આલિયા ભટ્ટ… તે ખૂબ જ સુંદર લાગે છે. બીજા યુઝરે લખ્યું કે, “હું ખૂબ નસીબદાર છું. …આલિયા ભટ્ટ, મેં તમને પહેલીવાર જોઇ, આ એક સપના જેવું છે. એક યુઝરે કોમેન્ટ કરીને તેને સ્ટાર ગર્લ કહી.

ફિલ્મ જીગરા રિલીઝ તારીખ

જીગરા ફિલ્મમાં અભિનયની સાથે આલિયા તેની નિર્માતાઓમાંની એક છે. આ ફિલ્મમાં વેદાંગ રૈના પણ છે, જે તેના ભાઈની ભૂમિકામાં છે. આ તેની બીજી ફિલ્મ છે. આ પહેલા તે ધ આર્ચીઝમાં જોવા મળી ચૂકી છે. ઝોયા અખ્તર દ્વારા દિગ્દર્શિત તેમની ફિલ્મ નેટફ્લિક્સ પર રિલીઝ કરવામાં આવી હતી.

Pin