દિવાળી પર રોહિત શેટ્ટી ધમાકેદાર ફિલ્મ સિંઘમ અગેઈન 1 નવેમ્બરના રોજ થિયેટરોમાં રિલીઝ થવા જઈ રહી છે. ત્યારે સલમાન ખાનના ફેન્સ માટે સારા સમાચાર આવ્યા છે કે આ ફિલ્મમાં તેઓ ચુબબુલ પાંડે તરીકે નજરે પડવાના છે.
સિંઘમ અગેઈનમાં ચુલબુલ પાંડે જોવા મળશે
બોલિવુડ હંગામાએ એક સૂત્રો દ્વારા જણાવ્યું હતું કે સિંઘમ અગેઈનમાં પહેલાથી અનેક કલાકારો નજરે પડવાના છે.
ત્યારે સલખાન ખાન દબંગ અવતારમાં નજરે પડશે. ચુબબુલના રોલથી તેઓ ફિલ્મનો હિસ્સો બનશે. ફિલ્મમાં તેમની એક ખાસ હાજરી હશે.
ટાઈમ્સ ઓફ ઈન્ડિયાએ જણાવ્યું છે કે હજી સલમાન ખાને ફિલ્મનું શુટિંગ શરૂ કર્યુ નથી. પરંતુ તેઓ ચુલબુલ પાંડેના રોલ માટે તૈયાર થઈ ગયા છે. એક વખત એક રિયાલિટી શો દરમિયાન રોહિત શેટ્ટીએ સલમાન ખાનને આ વિશે પૂછ્યું હતું અને તેણે જવાબ આપ્યો હતો કે એકવાર હું કમિટમેન્ટ કરી લઉં તો તેને જરુર પૂરું કરીશ.
આ કલાકારો સિંઘમ અગેઈન ફિલ્મમાં નજરે પડશે
અજય દેવગણ સ્ટારર આ ફિલ્મમાં દીપિકા પાદુકોણ, કરીના કપૂર, અક્ષય કુમાર, રણવીર સિંહ, ટાઈગર શ્રોફ, અર્જુન કપૂર જેવા મોટા કલાકારો એકસાથે ફિલ્મમાં નજરે પડશે.