Karan Joharઅને તેનું પ્રોડક્શન હાઉસ ધર્મ છેલ્લા કેટલાક દિવસોથી ચર્ચામાં છે. છેલ્લા કેટલાક દિવસોથી સમાચાર આવી રહ્યા છે કે કરણ જોહરનું Dharma Production વેચાવા જઈ રહ્યું છે. આ ડીલમાં અનેક લોકોના નામ સામે આવી રહ્યા છે. કેટલાક અહેવાલોમાં જણાવવામાં આવ્યું છે કે મ્યુઝિક લેબલ કંપની સારેગામા ઈન્ડિયા ધર્મનો મોટા ભાગનો હિસ્સો ખરીદી શકે છે.
પરંતુ હવે આ સમાચારમાં વધુ એક મોટા જૂથનું નામ સામે આવી રહ્યું છે.
Mukesh Ambani ની રિલાયન્સ ઈન્ડસ્ટ્રીઝ હવે કરણના ધર્મા પ્રોડક્શનમાં નાણાં રોકવાની તૈયારી કરી રહી છે. બંને વચ્ચે આ મુદ્દે પણ ચર્ચા થઈ રહી છે. જોકે, હજુ સુધી એ જાણી શકાયું નથી કે રિલાયન્સ કેટલા ટકા હિસ્સો ખરીદશે. જો રિલાયન્સ અને ધર્મ વચ્ચે કોઈ ડીલ થશે તો ભારતીય કન્ટેન્ટ માર્કેટમાં રિલાયન્સનો દાવો ઘણો મજબૂત બનશે.
Jio સ્ટુડિયોનો નફો Dharma Production
ધર્મની શરૂઆતKaran Joharના પિતા યશ જોહરે કરી હતી. રિપોર્ટમાં વધુમાં કહેવામાં આવ્યું છે કે કરણ છેલ્લા કેટલાક સમયથી ધર્મનો હિસ્સો વેચવા માંગે છે. વેલ્યુએશનના કારણે કોઈની સાથે ડીલ ફાઈનલ થઈ નથી. જણાવી દઈએ કે, આ ડીલથી રિલાયન્સના કન્ટેન્ટ પ્રોડક્શનને ફાયદો થશે. હાલમાં આ કંપની Jio Studio, Viacom 18 Studio, Coloseum Media અને Balajiમાં અમુક હિસ્સો ધરાવે છે. જિયો સ્ટુડિયોએ નાણાકીય વર્ષ 2024માં લગભગ 700 કરોડ રૂપિયાની કમાણી કરી છે. આ સમાચાર પર ધર્મ અને રિલાયન્સ તરફથી હજુ સુધી કોઈ સત્તાવાર નિવેદન બહાર આવ્યું નથી.
