બાહુબલી ફેમ અભિનેત્રી અનુષ્કા શેટ્ટી દુર્લભ હાસ્યની બીમારીનો શિકાર બની છે. મોટાભાગના લોકોએ આ રોગ વિશે ભાગ્યે જ સાંભળ્યું હશે. તાજેતરના એક ઇન્ટરવ્યુમાં, અભિનેત્રીએ પોતે આ બીમારીનો ખુલાસો કર્યો છે. અભિનેત્રીએ જણાવ્યું કે આ બીમારીને(Laughing Disorder)કારણે તે વધુ પડતું હસે છે. ભલે આ વાત અજીબ લાગતી હોય પણ સાચું છે કારણ કે આવા લક્ષણો હસવાની બીમારીથી પીડિત દર્દીઓમાં જોવા મળે છે.
ચાલો જાણીએ હસવાની બીમારીના કેટલાક લક્ષણો વિશે.
હસવું આસાનીથી રોકી શકાતું નથી
અનુષ્કા શેટ્ટીને સ્યુડોબુલબાર ઈફેક્ટ્સ એટલે કે PBA નામની બીમારી હોવાનું નિદાન થયું છે. તમારી જાણકારી માટે તમને જણાવી દઈએ કે આ બીમારીને લાફિંગ ડિસઓર્ડર તરીકે પણ ઓળખવામાં આવે છે. જ્યારે આ રોગથી પીડિત દર્દીઓ હસવા લાગે છે, ત્યારે તેઓ લગભગ 15-20 મિનિટ સુધી હસવાનું બંધ કરતા નથી. હાસ્ય રોગ એ ચેતાતંત્રને લગતી સમસ્યા છે. વાસ્તવમાં, આ સમસ્યાને કારણે દર્દી વધુ પડતા હસવા અથવા રડવા લાગે છે.
લાગણીઓને કાબૂમાં રાખવી મુશ્કેલ
જો કોઈને અનુષ્કા શેટ્ટી જેવી હાસ્યની બીમારી હોય, તો તે વ્યક્તિ માટે અન્ય લોકોની સરખામણીમાં પોતાની લાગણીઓને કાબૂમાં રાખવી વધુ મુશ્કેલ હોય છે. આ ડિસઓર્ડરથી પ્રભાવિત લોકો તેમના ગુસ્સા પર પણ કાબૂ રાખી શકતા નથી. એકંદરે, રડવું, હસવું અથવા વધુ પડતો ગુસ્સો આ રોગના લક્ષણો હોઈ શકે છે.
સાવધાની રાખવી જોઈએ
જો તમને પણ પોતાનામાં આવા લક્ષણો દેખાઈ રહ્યા છે, તો તમારે તેને નજરઅંદાજ કરવાની ભૂલ ન કરવી જોઈએ. તમારી નાની બેદરકારી તમને તમારા સ્વાસ્થ્ય માટે ભારે પડી શકે છે. જો આવા લક્ષણો દેખાય તો તરત જ સારા ડોક્ટરની સલાહ લો. ધ્યાનમાં રાખો કે કોઈપણ વસ્તુનો અતિરેક તમારા સ્વાસ્થ્યને ખરાબ રીતે નુકસાન પહોંચાડી શકે છે.