તમે ઘણીવાર ડોક્ટરો પાસેથી સાંભળ્યું હશે કે તમારે તમારા ડાયટમાં બદામનો સમાવેશ કરવો જોઈએ. દરરોજ બદામનું સેવન કરવાથી આપણું શરીર સ્વસ્થ રહે છે. બદામને તમામ ડ્રાય ફ્રુટ્સમાં સૌથી વધુ ફાયદાકારક માનવામાં આવે છે, તેથી ડોક્ટરો પણ તેને ખાવાની સલાહ આપે છે. જો તમે દરરોજ માત્ર 2 બદામ ખાઓ છો તો પણ તમે તમારી જાતને સ્વાસ્થ્ય સંબંધિત ઘણી સમસ્યાઓથી બચાવી શકો છો.
ચાલો જાણીએ બદામ ખાવાથી સ્વાસ્થ્યને શું ફાયદા થાય છે.
બદામ પોષક તત્વોથી ભરપૂર હોય છે
બદામમાં હેલ્ધી ફેટ, ફાઈબર, પ્રોટીન, વિટામીન ઈ, મેગ્નેશિયમ અને કેલ્શિયમ જેવા પોષક તત્વો મોટા પ્રમાણમાં હોય છે. બદામમાં કેલ્શિયમ, કોપર, મેગ્નેશિયમ, આયર્ન, પોટેશિયમ અને ઝિંક બદામમાં ઓમેગા 3 ફેટી એસિડ્સ પણ ભરપૂર માત્રામાં હોય છે. બદામ હંમેશા પલાળીને ખાવી જોઈએ. તેને રાત્રે પલાળી રાખો અને સવારે તેનું સેવન કરો.
બદામ ખાવાના ફાયદા
મગજને તેજ બનાવે છે
જો તમારી યાદશક્તિ નબળી પડવા લાગી છે અથવા તમે દરેક નાની-મોટી વાત ભૂલી રહ્યા છો તો તમારે તમારા ડાયટમાં બદામનો સમાવેશ કરવો જ જોઈએ. નિયમિત રીતે માત્ર 2 બદામ ખાવાથી તમારી યાદશક્તિ વધવા લાગશે.
ટાઈપ 2 ડાયાબિટીસમાં ફાયદાકારક
બદામમાં મેગ્નેશિયમનું પ્રમાણ વધુ હોય છે, એક ખનિજ જે ઘણા લોકોને પૂરતું મળતું નથી. મેટાબોલિક સિન્ડ્રોમ અને ટાઈપ 2 ડાયાબિટીસ માટે વધુ મેગ્નેશિયમનું સેવન ફાયદાકારક છે.
ત્વચા અને વાળ માટે ફાયદાકારક છે
બદામમાં રહેલા પોષક તત્વો તમારી ત્વચા અને વાળ માટે ફાયદાકારક છે. માત્ર 2 બદામ નિયમિત રીતે ખાવાથી તમારા ચહેરા પર ચમક આવશે અને તમારા વાળ મૂળથી મજબૂત બનશે. વાસ્તવમાં, તેમાં હાજર વિટામીન ઈ અને એન્ટી-ઓક્સીડેન્ટ ગુણ ત્વચા સંબંધિત સમસ્યાઓને દૂર કરવામાં મદદ કરે છે.
હૃદયનું આરોગ્ય સુધારે
બદામનું સેવન હૃદયના સ્વાસ્થ્ય માટે પણ અસરકારક છે. જો તમે દરરોજ માત્ર 2 બદામ ખાઓ છો, તો તે એલડીએલ (ખરાબ) કોલેસ્ટ્રોલ ઘટાડે છે, જે હૃદય રોગના જોખમને ઘટાડી શકે છે.
(નોંધ: આ લેખ માં આપેલી તમામ માહિતી માત્ર જાણકારી નાં ઉદ્દેશ્ય થી આપવામાં આવી છે. સ્વાસ્થ્ય ને લગતી કોઈ પણ માહિતી નું પાલન કરતા પહેલા તમારા ડૉક્ટર ની સલાહ અવશ્ય લેવી..)