- ગણેશજીને તમામ દેવી-દેવતાઓમાં પ્રથમ સ્થાન આપવામાં આવ્યુ છે
- ભગવાન ગણેશજીને વિઘ્નહર્તા કહેવામાં આવે છે
- શ્રી ગણેશજીને પ્રસન્ન કરવા માટે ગણેશ ચતુર્થીનો તહેવાર ઉજવવામાં આવે છે
પ્રથમ પૂજ્ય ગણેશજીને પૂજવાનો સમય એટલે ગણેશચતુર્થી. આ દિવસે ભગવાન ગણેશજીની આરાધના કરવામાં આવે છે. ગણેશજીને તમામ દેવી-દેવતાઓમાં પ્રથમ સ્થાન આપવામાં આવ્યુ છે આથી જ તો તેમને પ્રથમ પૂજ્ય માનવામાં આવે છે.
ધાર્મિક માન્યતાઓ અનુસાર જે લોકો નિયમિત રીતે ગણેશજીની પૂજા કરે છે. ગણેશજી ઉપાસના કરવાથી તમામ મનોરથ પૂર્ણ થાય છે. ભગવાન ગણેશજીને વિઘ્નહર્તા કહેવામાં આવે છે. શ્રી ગણેશજીને પ્રસન્ન કરવા માટે ગણેશ ચતુર્થીનો તહેવાર ઉજવવામાં આવે છે.
આ દિવસે ગણેશજીની પૂજાની સાથે સાથે તેમને પ્રસાદ અર્પણ કરવામાં આવે છે. ગણેશ ચતુર્થીનો તહેવાર 10 દિવસ ઉજવવામાં આવે છે. વૈદિક પંચાગ અનુસાર ભાદરવા માસની શુક્લ પક્ષની ચતુર્થી તિથિએ ગણેશ ચતુર્થીની ઉજવણી કરવામાં આવશે. આ વખતે ગણેશ ચતુર્થી 7 સપ્ટેમ્બર 2024થી 17 સપ્ટેમ્બર સુધી આ મહોત્સવ ઉજવવામાં આવશે. અનંત ચતુર્દશીના દિવસે ઉત્સવનું સમાપન કરવામાં આવશે.
વૈદિક પંચાગ અનુસાર આ વખતે પૂજા કરવાથી સાધક પર ગણેશજીની વિશેષ કૃપા રહેશે. તમે તમારી રાશિ અનુસાર ગણેશ ઉત્સવ પર ઉપાય કરશો તો તમને જરૂરથી લાભ થશે.
મેષ રાશિ
જ્યોતિષ શાસ્ત્ર અનુસાર તમારે લાલ રંગની મૂર્તિની સ્થાપના કરવી જોઇએ. 10 દિવસ સુધી તેમને વસ્ત્ર, દાડમ, લાલ ગુલાબ અને 11 દુર્વા અર્પણ કરવી જોઇએ. તેનાથી ઘરમાં સુખ-શાંતિ આવશે.
વૃષભ રાશિ
આ રાશિના લોકોએ પોતાના ઘરમાં ભગવાન ગણપતિની વાદળી રંગની મૂર્તિ સ્થાપિત કરવી જોઈએ. તેમજ તેમને 10 દિવસ સુધી સફેદ રંગના વસ્ત્રો, મોદક, સફેદ ફૂલ અને અત્તર અર્પણ કરો. તેનાથી તમને ભગવાન ગણેશના વિશેષ આશીર્વાદ મળશે, જેના કારણે તમારા અધૂરા સપના જલ્દી પૂરા થઈ શકે છે.
મિથુન રાશિ
મિથુન રાશિના લોકોએ પોતાના ઘરમાં ભગવાન ગણપતિની લીલા રંગની મૂર્તિ સ્થાપિત કરવી જોઈએ. તેની સાથે તેમને સતત 10 દિવસ સુધી લીલા રંગના કપડા, મગના લાડુ, લીલી ઈલાયચી, લીલા ફળ અને સોપારી અર્પણ કરો
કર્ક રાશિ
આ રાશિના લોકોએ પોતાના ઘરમાં ભગવાન ગણેશની સફેદ મૂર્તિ સ્થાપિત કરવી જોઈએ. તેમને ગુલાબી રંગના કપડાં પણ ઓફર કરો. તેની સાથે તેમને પ્રસાદ તરીકે મોદક અને ચોખાથી બનેલી મીઠાઈઓ અર્પણ કરો.
સિંહ રાશિ
ભગવાન ગણેશની વિશેષ કૃપા મેળવવા માટે સિંહ રાશિના લોકોએ પોતાના ઘરમાં ગણપતિ બાપ્પાની લાલ રંગની મૂર્તિ સ્થાપિત કરવી જોઈએ. તેમને લાલ રંગના કપડાં પણ અર્પણ કરો. કપડાંની સાથે તેમને ગોળ, ખજૂર અને કરેણના ફૂલો અર્પણ કરો મીઠાઈઓ અર્પણ કરો.
કન્યા રાશિ
કન્યા રાશિના જાતકો માટે લીલો રંગ શુભ માનવામાં આવે છે. તેથી તમારે તમારા ઘરમાં લીલા રંગની બનેલી ગણપતિ બાપ્પાની મૂર્તિ લાવવી જોઈએ. તેમને લીલા રંગના કપડાં પણ અર્પણ કરો. ભગવાનને મગની દાળના લાડુ, લીલા ફળ, દૂર્વા અને પાન ચઢાવો. આનાથી તમારી બધી મનોકામનાઓ પૂર્ણ થશે અને પરિવારમાં ખુશીઓ આવશે.
તુલા રાશિ
તુલા રાશિના જાતકોએ પોતાના ઘરમાં વાદળી રંગની ગણેશ મૂર્તિ સ્થાપિત કરવી જોઈએ. તેની સાથે તેમને સફેદ વસ્ત્ર, લાડુ, સફેદ ફૂલ, અત્તર અને કેળું અર્પણ કરો.
વૃશ્ચિક રાશિ
વૃશ્ચિક રાશિના લોકોએ પોતાના ઘરમાં ગણપતિ બાપ્પાની લાલ રંગની મૂર્તિ સ્થાપિત કરવી જોઈએ. તેમને સિંદૂર રંગના કપડાં, ગોળના લાડુ, દાડમ, લાલ ફૂલ અને ખજૂર અર્પણ કરો.
ધન રાશિ
ધન રાશિના જાતકોએ પોતાના ઘરમાં પીળા રંગની ગણેશ મૂર્તિની સ્થાપના કરવી જોઈએ. તેની સાથે તેમને પીળા વસ્ત્રો, પીળા ફૂલ, મોદક, કેળા અને પીળા ફળ અર્પણ કરો.
મકર રાશિ
જો તમે ભગવાન ગણેશને પ્રસન્ન કરવા માંગો છો તો તમારા ઘરમાં વાદળી રંગની ગણપતિ બાપ્પાની મૂર્તિ લાવો. તેમને વાદળી રંગના કપડાં અર્પણ કરો. તેની સાથે તેમને તલના લાડુ, કિસમિસ, સિંદૂર અને સફેદ ફૂલ અર્પણ કરો.
કુંભ રાશિ
જે લોકો પૈસાની અછતથી પરેશાન છે તેમણે પોતાના ઘરે વાદળી રંગની ગણપતિ બાપ્પાની મૂર્તિ લાવવી જોઈએ. દસ દિવસ સુધી દરરોજ તેની પૂજા કરો. તેની સાથે ભગવાનને વાદળી રંગના કપડા, ખોવા, લીલા ફળ, સફેદ ફૂલ અને કિસમિસ અર્પણ કરો.
મીન રાશિ
મીન રાશિના લોકોએ ઘેરા પીળા રંગની ગણપતિ બાપ્પાની મૂર્તિ પોતાના ઘરે લાવવી જોઈએ. તેમને પીળા રંગના કપડાં પણ અર્પણ કરો. તેમને 10 દિવસ સુધી પીળા ફૂલ, ફળ, ચણાના લોટના લાડુ અને બદામ અર્પણ કરો. તેનાથી તમારા જીવનમાં હંમેશા ખુશીઓ આવશે.
(નોંધ: અહ્યા અપાયેલી માહિતી ધાર્મિક અને લોક માન્યતા પર આધારિત છે. આનું કોઈ વૈજ્ઞાનિક પુરાવો નાં હોઈ સકે. સામાન્ય હિત અને માહિતી ને ધ્યાન માં રાખીને અહ્યાં આ માહિતી ને અમે પ્રસ્તુત કરી રહ્યા છીએ.)