- ગણેશ ચતુર્થી 7 સપ્ટેમ્બરથી શરૂ થશે અને 17 સપ્ટેમ્બર સુધી ચાલશે
- ભગવાન કૃષ્ણ પર એક વખત શ્યામંતક નામની કિંમતી રત્ન ચોરી કરવાનો ખોટો આરોપ મૂકવામાં આવ્યો
- કૃષ્ણએ ઋષિની સલાહ મુજબ ગણેશ ચતુર્થીના રોજ વ્રત રાખ્યું હતું
ગણેશ ચતુર્થી નજીકમાં છે અને ભગવાન ગણેશના ભક્તોએ તેની તૈયારીઓ શરૂ કરી દીધી છે. આ વર્ષે, આ 10 દિવસ લાંબો તહેવાર 7 સપ્ટેમ્બરથી શરૂ થશે અને 17 સપ્ટેમ્બર સુધી ચાલશે.
આ વાઇબ્રન્ટ તહેવાર ખૂબ જ આનંદ સાથે ઉજવવામાં આવે છે આ તહેવાર ભક્તિ અને સાંસ્કૃતિક પરંપરાઓનો સમય છે.
ગણેશ ચતુર્થીના દિવસે ચંદ્ર કેમ ન જોવો અને ભૂલથી જો ચંદ્ર જોઇ લો તો શું કરવું? ચાલો આ વિશે વિગતવાર જાણીએ
એવું માનવામાં આવે છે કે ખોટા આરોપથી બચવા માટે ગણેશ ચતુર્થી પર ચંદ્ર તરફ જોવું પ્રતિબંધિત છે. આ માન્યતાનું મૂળ એક લોકપ્રિય દંતકથામાં છે. કહેવાય છે કે ચંદ્રમાંના દર્શન કરીએ તો આળ ચડે દોષ લાગે. હિંદુ પૌરાણિક કથાઓ અનુસાર, એક રાત્રે ભગવાન ગણેશ તેમના મુષક (ઉંદર) પર સવાર થઈને ફરવા નીકળ્યા હતા, પરંતુ તેમના વજનને કારણે ઠોકર ખાધી હતી. આ જોઈને ચંદ્ર હસવા લાગ્યો, જેના કારણે ભગવાન ગણેશ ક્રોધિત થઈ ગયા. ગુસ્સામાં ગણેશજીએ ચંદ્રને શ્રાપ આપ્યો કે જે કોઈ શ્રાવણ માસની શુક્લ ચતુર્થીની રાત્રે ચંદ્રને જોશે તેના પર ખોટો આરોપ લગાવવામાં આવશે અને સમાજમાં તેનું અપમાન થશે.
ભગવાન કૃષ્ણએ ગણેશ ચતુર્થીના રોજ વ્રત રાખ્યું હતું
દ્રિક પંચાંગ અનુસાર, ભગવાન કૃષ્ણ પર એક વખત શ્યામંતક નામની કિંમતી રત્ન ચોરી કરવાનો ખોટો આરોપ મૂકવામાં આવ્યો હતો કારણ કે તેમણે ગણેશ ચતુર્થીના દિવસે ભૂલથી ચંદ્રને જોયો હતો. નારદ ઋષિએ કૃષ્ણને ખોટા આરોપની જાણ કરી અને શ્રાપની ઉત્પત્તિ સમજાવી. આ શ્રાપમાંથી મુક્તિ મેળવવા માટે ભગવાન કૃષ્ણએ ઋષિની સલાહ મુજબ ગણેશ ચતુર્થીના રોજ વ્રત રાખ્યું હતું.
ચંદ્ર દર્શન ક્યારે ન કરવા?
ગણેશ ચતુર્થીના સમય અને અવધિના આધારે, સતત બે દિવસ ચંદ્રના દર્શન ટાળવાની સલાહ આપવામાં આવે છે.
દ્રિક પંચાંગ અનુસાર, જ્યારે તિથિ પ્રચલિત હોય અને ચંદ્રાસ્ત પહેલા સમાપ્ત થઈ જાય ત્યારે પણ ચંદ્ર દર્શન ટાળવા જોઈએ.
આ વર્ષે, તિથિ 6 સપ્ટેમ્બર, શુક્રવારે બપોરે 3:01 વાગ્યે શરૂ થશે અને બીજા દિવસે એટલે કે 7 સપ્ટેમ્બરે સાંજે 5:37 વાગ્યે સમાપ્ત થશે.
તેથી મિથ્યા દોષની અસરથી બચવા માટે આ સમયગાળા દરમિયાન ચંદ્ર દર્શન અંગે સાવધાની રાખવી જરૂરી છે.
(નોંધ: અહ્યા અપાયેલી માહિતી ધાર્મિક અને લોક માન્યતા પર આધારિત છે. આનું કોઈ વૈજ્ઞાનિક પુરાવો નાં હોઈ સકે. સામાન્ય હિત અને માહિતી ને ધ્યાન માં રાખીને અહ્યાં આ માહિતી ને અમે પ્રસ્તુત કરી રહ્યા છીએ.)