રીંગણનું નામ સાંભળીને ઘણા લોકોનું નાક ચડી જાય છે. તેમને આ શાક બિલકુલ પસંદ નથી પરંતુ કેટલાક લોકો એવા પણ છે જેમને રીંગણની સબજી ફેવરિટ છે. તેઓ તેને શાક, ભરેલા કે ઓળા સ્વરુપે આરોગે છે. રીંગણ એક એવું શાક છે જે આખું વર્ષ મળે છે. તે શિયાળામાં વધુ ખાવામાં આવે છે.
શિયાળાની ઋતુમાં રીંગણ સ્વાસ્થ્યપ્રદ કહેવાય છે.
આનાથી બ્લડ શુગરને કંટ્રોલ કરી શકાય છે અને હૃદયના રોગોમાં ફાયદાકારક માનવામાં આવે છે. કેટલાક લોકોએ રીંગણથી અંતર જાળવવું જોઈએ, અન્યથા તેમના માટે સમસ્યાઓ (Brinjal Side Effects) વધી શકે છે. અહીં જાણો કયા લોકોએ ભૂલથી પણ રીંગણ ન ખાવા જોઈએ.
7 લોકોએ રીંગણ ન ખાવા જોઈએ
1. ત્વચાની એલર્જી
જો કોઈને શરીરમાં કોઈપણ પ્રકારની એલર્જી હોય તો તેણે રીંગણમાંથી બનેલી કોઈ પણ વસ્તુ ન ખાવી જોઈએ નહીં તો તેની એલર્જી વધુ વધી શકે છે. ડૉક્ટરો આવા લોકોને રીંગણ ખાવાનું ટાળવાની સલાહ આપે છે.
2. ડિપ્રેશન
ડિપ્રેશનથી પીડિત લોકોએ પણ રીંગણ ન ખાવા જોઈએ, કારણ કે ડિપ્રેશનમાં લોકો સતત દવાઓ લેતા રહે છે અને આવી સ્થિતિમાં રીંગણ શરીરમાં પહોંચીને દવાઓની અસરને ઘટાડી શકે છે.
3. લોહીનો અભાવ
જો કોઈના શરીરમાં લોહીની ઉણપ હોય તો ભૂલથી પણ રીંગણ ન ખાવા જોઈએ. કારણ કે રીંગણ શરીરમાં લોહી બનવાની પ્રક્રિયાને અસર કરી શકે છે અને ઘણી સમસ્યાઓ વધારી શકે છે.
4. પેટની સમસ્યાઓ
રીંગણ ખાવાથી ગેસ થઈ શકે છે. આવી સ્થિતિમાં જો કોઈને ગેસ કે પેટની સમસ્યા હોય તો તેણે રીંગણમાંથી બનેલી કોઈપણ વસ્તુથી બચવું જોઈએ નહીંતર સમસ્યા વધી શકે છે.
5. પાઈલ્સ
પાઈલ્સ એ ખૂબ જ ખતરનાક રોગ છે. આવામાં ડોક્ટરો રીંગણ ખાવાની ના પાડે છે. જો આવા લોકો ભૂલથી પણ રીંગણ ખાઈ લે છે, તો તે તેમના માટે મુશ્કેલી ઊભી કરશે.
6. આંખની સમસ્યાઓ
જો તમને બળતરા, એલર્જી અને આંખોમાં સોજા જેવી સમસ્યા હોય તો રીંગણ ન ખાઓ, નહીંતર સમસ્યાઓ વધુ વધી શકે છે. આંખની આ સમસ્યાઓ દરમિયાન રીંગણ ખાવા બિલકુલ યોગ્ય નથી.
7. કિડની સ્ટોન
રીંગણમાં ઓક્સાલેટ હોય છે જે પેટમાં પથરી બનાવી શકે છે. આવી સ્થિતિમાં જો કોઈને પથરીની સમસ્યા હોય તો તેણે રીંગણ ન ખાવા જોઈએ.
(નોંધ: આ લેખ માં આપેલી તમામ માહિતી માત્ર જાણકારી નાં ઉદ્દેશ્ય થી આપવામાં આવી છે. સ્વાસ્થ્ય ને લગતી કોઈ પણ માહિતી નું પાલન કરતા પહેલા તમારા ડૉક્ટર ની સલાહ અવશ્ય લેવી.)