આપણા રસોડામાં ઉપલબ્ધ મસાલાનો ઉપયોગ કરી સ્વાદિષ્ટ ભોજન બનાવવામાં મદદ કરે છે. અલગ અલગ મસાલામાં અનેક પ્રકારના ઔષધીય ગુણો જોવા મળે છે. તો તેનુ સેવન કરી શરીરના અનેક બીમારીને દૂર કરી શકાય છે.આમાંનો એક મસાલો છે હળદર, જે ખાવાનો સ્વાદ તો વધારે છે જ સાથે સાથે સ્વાસ્થ્ય માટે પણ ફાયદાકારક છે, પરંતુ શું તમે જાણો છો કે કાચી હળદર પણ ઘણા ગુણોથી ભરપૂર હોય છે, તે શરીરમાં થતી સોજાને ઓછી કરવામાં મદદ કરે છે.
એન્ટીઑકિસડન્ટોથી ભરપૂર કાચી હળદર ક્રોનિક રોગોના જોખમને ઘટાડવામાં મદદ કરે છે. કાચી હળદર સેવન કરવા માટે પહેલા તેને પીસી લો.પછી તેને ગરમ પાણીમાં મિક્સ કરો.તમે તેમાં મધ પણ ઉમેરી શકો છો.જો તમે આ પીણું નિયમિતપણે પીઓ છો.તો તે શરીરમાંથી ઝેરી તત્વોને દૂર કરે છે. હળદરનું આ પીણું ડિટોક્સ ડ્રિંકનું કામ કરે છે.
કાચી હળદરનું સેવન કરવાથી પાચનક્રિયાને સ્વસ્થ રાખે છે. તે અપચો અને પેટનું ફૂલવું ના લક્ષણોને ઘટાડવામાં પણ મદદ કરે છે.આ સાથે જ આંતરડાને સ્વાસ્થ્ય રાખવામાં પણ મદદરુપ થાય છે. કાચી હળદરનું સેવન કરવાથી મેટાબોલિઝમ વધે છે.જેના પગલે વજન ઘટાડવામાં પણ મદદ કરે છે.
કાચી હળદર એન્ટી બેક્ટેરિયલ અને એન્ટી ફંગલ ગુણોથી ભરપૂર હોય છે. તેનો ઉપયોગ રોગપ્રતિકારક શક્તિને મજબૂત બનાવે છે.રોગપ્રતિકારક શક્તિ વધારવા માટે દરરોજ રાત્રે સૂતા પહેલા એક ગ્લાસ દૂધમાં પીસી હળદર ઉમેરીને પીવાથી રોગપ્રતિકારક શક્તિ મજબૂત બને છે. તેમજ હળદર ઈન્ફેક્શન અને ઘણી બીમારીઓથી બચાવે છે
કાચી હળદરમાં બળતરા વિરોધી ગુણો જોવા મળે છે. જે દર્દથી રાહત અપાવવામાં મદદ કરે છે. તેનો ઉપયોગ ઘણીવાર સંધિવા અને સ્નાયુઓમાં દુખાવો જેવી સમસ્યાઓ ઘટાડવા માટે થાય છે. હળદરનો ઉપયોગ આયુર્વેદમાં દવા તરીકે થાય છે. કાચી હળદરમાં પોષક તત્વો ભરપૂર હોવાથી ત્વચા સંબંધિત સમસ્યાઓને દૂર કરવામાં મદદ કરે છે.
(નોંધ: અહીં આપવામાં આવેલી જાણકારી ઘરેલૂ નુસખા અને સામાન્ય જાણકારીઓ પર આધારિત છે. તેને અપનાવતાં પહેલાં ડોક્ટરની સલાહ લો. અમે તેની પુષ્ટિ કરતા નથી.)