નવરાત્રીના તહેવાર દરમિયાન ભક્તો માતાની પૂજા અને વ્રત કરીને મા દુર્ગાના ખાસ આશીર્વાદ પ્રાપ્ત કરે છે. નવરાત્રીના ત્રીજા દિવસે દેવી ચંદ્રઘંટાની પૂજા કરવાનો રિવાજ છે. એવું માનવામાં આવે છે કે તેમની પૂજા કરવાથી ભક્તોના તમામ પ્રકારના પાપોનો નાશ થાય છે અને જો જીવનમાં કોઈપણ પ્રકારનો ભય હોય તો તેમાંથી પણ મુક્તિ મળે છે. ચાલો જાણીએ કે દેવી માતાના ત્રીજા સ્વરૂપનું નામ ચંદ્રઘંટા કેવી રીતે પડ્યું, તેમને શું ચડાવવું જોઈએ અને તેમના જન્મ પાછળની વાર્તા શું છે.
માતાનો સ્વભાવ કેવો છે?
માતા દુર્ગાના ત્રીજા સ્વરૂપને ચંદ્રઘંટા તરીકે ઓળખવામાં આવે છે. આ સ્વરૂપમાં માતા યુદ્ધની મુદ્રામાં સિંહ પર બેઠેલી જોવા મળે છે અને તેના કપાળ પર ઘંટ આકારનો અર્ધચંદ્રાકાર ચંદ્ર હોવાથી તેને ચંદ્રઘંટા કહેવામાં આવે છે. તેના 10 હાથમાં ત્રિશૂળ, ધનુષ, ગદા અને તલવાર વગેરે શસ્ત્રો જોઈ શકાય છે. જ્યોતિષમાં માતાને મંગળ ગ્રહ સાથે સંબંધિત માનવામાં આવે છે.
માતાને શેનો ભોગ લગાવવો જોઈએ?
નવરાત્રિના ત્રીજા દિવસે માતા ચંદ્રઘંટાની પૂજા કરવામાં આવે છે. ત્રીજા દિવસની પૂજામાં દૂધ અથવા મેવાથી બનેલી વસ્તુઓનો ભોગ માતાને લગાવવો જોઈએ. આમ કરવાથી ભક્તની તમામ મનોકામનાઓ પૂર્ણ થાય છે. તમે આ દિવસે માતાને દૂધમાંથી બનેલી મીઠાઈઓ, ડ્રાયફ્રૂટની બરફી વગેરે બનાવીને પણ ભોગ લગાવી શકો છો.
કેવી રીતે થયું માતાના આ સ્વરૂપનું પ્રાગટ્ય?
પૌરાણિક માન્યતાઓ અનુસાર, એક સમયે પૃથ્વી પર રાક્ષસોએ પોતાનું રાજ શરૂ કરી દીધું અને લોકોને દરેક રીતે પરેશાન કરવા લાગ્યા. એટલું જ નહીં મહિષાસુર નામના રાક્ષસે દેવતાઓને પણ ન છોડ્યા અને દેવરાજ ઇન્દ્રના સિંહાસન પર કબજો કરવા સ્વર્ગ સુધી પહોંચી ગયા.
એવામાં ધરતી અને સ્વર્ગને રાક્ષસોથી મુક્ત કરવા દેવતાગણ ભગવાન બ્રહ્મા, વિષ્ણુ અને મહેશના શરણમાં પહોંચ્યા. જે બાદ ત્રણેય દેવતાએ ક્રોધ વ્યક્ત કર્યો અને આ દરમિયાન તેમના મોઢામાંથી એક દૈવીય ઊર્જા નીકળી, જે માતા ચંદ્રઘંટાના સ્વરૂપમાં અવતરિત થઈ. દેવી ચંદ્રઘંટાને ભગવાન શિવે ત્રિશૂળ, વિષ્ણુએ ચક્ર, ઇન્દ્રએ પોતાનો ઘંટ આપ્યો અને સૂર્યએ પોતાનું તેજ આપ્યું. જે બાદ દેવી ચંદ્રઘંટાએ મહિષાસુરનો વધ કર્યો.
(નોંધ: અહ્યા અપાયેલી માહિતી ધાર્મિક અને લોક માન્યતા પર આધારિત છે. આનું કોઈ વૈજ્ઞાનિક પુરાવો નાં હોઈ સકે. સામાન્ય હિત અને માહિતી ને ધ્યાન માં રાખીને અહ્યાં આ માહિતી ને અમે પ્રસ્તુત કરી રહ્યા છીએ.)