- જેમ જેમ ઉંમર વધે છે તેમ તેમ તેની અસર ફેસ પર જોવા મળે છે
- તમે તમારા ડાયટમાં કેટલીક પૌષ્ટિક વસ્તુઓનો સમાવેશ કરો
- પૌષ્ટિક વસ્તુઓનો સમાવેશ કરવાથી 50 વર્ષની ઉંમર સુધી યંગ દેખાઈ શકશો
દરેક વ્યક્તિ હંમેશા યુવાન અને સુંદર દેખાવા માંગે છે પરંતુ આ શક્ય નથી. કારણ કે જેમ જેમ ઉંમર વધે છે તેમ તેમ તેની અસર આપણા ફેસ પર જોવા મળે છે. ફેસ પર કરચલીઓ, ફાઈન લાઇન્સ અને સ્કિનમાં કરચલીઓ વગેરે વૃદ્ધત્વના સંકેતો છે.
પરંતુ તમે તમારા ડાયટમાં કેટલીક વસ્તુઓનો સમાવેશ કરીને લાંબા સમય સુધી યંગ રહી શકો છો.
હેલ્ધી ડાયટ છે જરૂરી
હેલ્ધી ડાયટ તમને લાંબા સમય સુધી યંગ અને ફિટ રાખી શકે છે. તમારા ડાયટમાં ફળો, લીલા શાકભાજી, સૂકા ફળો, બીજ અને ડેરી પ્રોડક્ટસનો સમાવેશ થવો જોઈએ. ખાસ કરીને 30 વર્ષની ઉંમર પછી તમારે દરરોજ પૌષ્ટિક ખોરાક લેવો જોઈએ. જ્યારે તમે વિટામિન્સ, મિનરલ્સ અને ફાઈબરથી ભરપૂર પૌષ્ટિક આહારનું સેવન કરો છો, ત્યારે તમારી સ્કિન અંદરથી સ્વસ્થ રહે છે અને વૃદ્ધત્વના સંકેતો ઝડપથી દેખાતા નથી.
દરરોજ કસરત કરો
જો તમે તમારી જાતને ફિટ રાખવા માંગતા હોવ તો દરરોજ કસરત કરો. એક્ટિવ લાઈફસ્ટાઈલ સાથે, તમે લાંબા સમય સુધી ફિટ અને યુવાન રહી શકો છો. તમારે દરરોજ ઓછામાં ઓછી ત્રીસ મિનિટ કસરત કરવી જોઈએ. જો તમારી પાસે જિમ માટે સમય નથી, તો તમે ઘરે થોડી હળવી કસરતો પણ કરી શકો છો. તમે વોકિંગ, યોગા અને સાઇકલિંગ દ્વારા પણ પોતાને ફિટ રાખી શકો છો.
સ્મોકિંગ અને ડ્રિકિંગથી દૂર કરો
આલ્કોહોલ, તમાકુ અને ધૂમ્રપાન તમારી ઉંમરમાં ઝડપથી વધારો કરે છે. તે તમારા શરીરને ઘણું નુકસાન પહોંચાડી શકે છે. જે લોકો વધારે ઓલ્કોહોલનું સેવન કરે છે, તેમનામાં વૃદ્ધત્વના સંકેતો ઝડપથી દેખાવા લાગે છે અને તેઓ વૃદ્ધ દેખાવા લાગે છે. તેનાથી વજન સંબંધિત સમસ્યાઓ વધે છે અને વૃદ્ધત્વ ઝડપી બને છે.
તણાવ પણ છે ખતરનાક
વધુ પડતો તણાવ અને ચિંતા પણ તમને ઝડપથી વૃદ્ધ કરી શકે છે. સ્ટ્રેસ એ સાયલન્ટ કિલર જેવું છે. જો તમારે લાંબા સમય સુધી યુવાન રહેવું હોય તો તમારે તણાવથી બચવું જોઈએ.
પુષ્કળ ઊંઘ લો
તંદુરસ્ત શરીર અને સ્કિન માટે ઊંઘ પણ મહત્વપૂર્ણ છે. જો તમે પૂરતી ઊંઘ ન મેળવી શકો તો તમે તમારું સ્વાસ્થ્ય બગાડો છો. ઊંઘનો અભાવ પણ તણાવનું કારણ બની શકે છે. સારી ઊંઘ વૃદ્ધત્વની પ્રક્રિયાને ધીમી કરે છે. આજકાલ લોકોમાં ઊંઘ ન આવવાની સમસ્યા ઝડપથી વધી રહી છે, તેનાથી દૂર રહેવા માટે તમારે તમારું શેડ્યૂલ એડજસ્ટ કરવું જોઈએ.
નોંધ: આ લેખ માં આપેલી તમામ માહિતી માત્ર જાણકારી નાં ઉદ્દેશ્ય થી આપવામાં આવી છે. સ્વાસ્થ્ય ને લગતી કોઈ પણ માહિતી નું પાલન કરતા પહેલા તમારા ડૉક્ટર ની સલાહ અવશ્ય લેવી.