મેથી વાળ માટે ખૂબ જ ફાયદાકારક છે. આયુર્વેદમાં પણ મેથીને ઘણી અસરકારક માનવામાં આવે છે. મેથીના સેવનથી વાળના વિકાસમાં મદદ થાય છે. આમાં ફાયબર, પ્રોટીન, કાર્બસ, ફેટ, આયર્ન અને મેગ્નેશિયમ હોય છે જે વાળના વિકાસ માટે ખૂબ જ ગુણકારી છે.
ખરતા વાળ માટે મેથીનું સેવન ફાયદાકારક
ખરતા વાળ માટે મેથીનું સેવન કરવું ખૂબ જ ફાયદાકારક માનવામાં આવે છે.
શરીરમાં આયર્નની ઉણપને કારણે વાળ ઝડપથી ખરવા લાગે છે. ત્યારે મેથીના સેવનથી આયર્નની માત્રા વધે છે અને વાળ ખરતા પણ ઓછા થાય છે.
મેથીનું પાણી
મેથીનું પાણી વાળ માટે ખૂબ જ ગુણકારી છે. મેથીના દાણા ચામડીમાં રક્ત પ્રવાહને ઉત્તયજીત કરવામાં મદદરૂપ થાય છે અને વાળની વૃદ્ધિને પ્રોત્સાહન આપવા માટે વાળના ફોલિકલ્સને પણ પોષણ આપે છે. સાથે જ તેમાં એન્ટીઑકિસડન્ટ અને બળતરા વિરોધી ગુણધર્મો પણ છે જે ડેન્ડ્રફ દૂર કરવામાં મદદ કરે છે.
મેથીની હેર સીરમ
જો તમને વાળ ખરવાની સમસ્યા હોય તો તમે મેથીની હેર સીરમનો ઉપયોગ કરી શકો છો. તેનો ઉપયોગ વાળના વિકાસમાં મદદ કરી શકે છે. આ સીરમ તમારા વાળને સિલ્કી તો બનાવશે જ પરંતુ તેને અંદરથી સ્વસ્થ રાખવામાં પણ મદદ કરશે.
મેથીનું તેલ
મેથીનું તેલ વાળને ઘટ્ટ કરવા માટે રામબાણ છે. આ માટે સરસવ અથવા નાળિયેર તેલ લો અને તેમાં મેથી ચઢવા દો. ત્યારબાદ આ તેલને વાળના મૂળમાં લગાવો. તેના બાયોએક્ટિવ એન્ઝાઇમ વાળના વિકાસમાં મદદ કરશે.
મેથી હેર માસ્ક
મેથીને પીસીને તેમાં એલોવેરા મિક્સ કરો. પછી તેને તમારા વાળમાં લગાવો. આ તમારા વાળને અંદરથી સ્વસ્થ બનાવવામાં મદદરૂપ થશે. આ ઉપરાંત વાળનું ટેક્સચર પણ યોગ્ય રહે છે.
(નોંધ: આ લેખ માં આપેલી તમામ માહિતી માત્ર જાણકારી નાં ઉદ્દેશ્ય થી આપવામાં આવી છે. સ્વાસ્થ્ય ને લગતી કોઈ પણ માહિતી નું પાલન કરતા પહેલા તમારા ડૉક્ટર ની સલાહ અવશ્ય લેવી.)