દર ત્રણમાંથી એક વ્યક્તિ તણાવની સમસ્યાથી ઝઝૂમી રહી છે. આજના સમયમાં જે રીતે લોકોમાં સ્ટ્રેસ અને ડિપ્રેશન વધી રહ્યું છે, તે કોઈ મહામારીથી ઓછું નથી. કેટલાક લોકો આને ખૂબ જ સામાન્ય સમસ્યા માને છે. ભલે તે આપણા જીવનમાં ખૂબ જ સામાન્ય બની ગયું છે, પરંતુ તે સ્વાસ્થ્ય માટે ખૂબ જ જોખમી છે. તેના કારણે શરીર રોગોનું ઘર બની શકે છે.
વ્યસ્ત જીવનશૈલીના કારણે, લોકો તેમના ખાનપાન, ઊંઘ અને કસરતનું ધ્યાન રાખી શકતા નથી.
લોકો ઘણીવાર આ નાની-નાની બાબતોને નજરઅંદાજ કરે છે પરંતુ ભવિષ્યમાં તે મોટી સમસ્યા બની શકે છે. આવો અમે તમને કેટલીક ટિપ્સ જણાવીએ, જેની મદદથી તમે તણાવ ઓછો કરી શકો છો.
કેફીન ટાળો
જો તમારે તણાવથી બચવું હોય તો કેફીન ઓછામાં ઓછી માત્રામાં લો. કેટલાક લોકો માને છે કે ચા અને કોફી પીવાથી તણાવ ઓછો થઈ શકે છે. પરંતુ ચા અને કોફીથી ટેન્શન ઓછું નથી થતું. તેમાં કેફીનનું પ્રમાણ ખૂબ વધારે હોય છે જે આપણા માનસિક સ્વાસ્થ્ય માટે ખતરનાક સાબિત થઈ શકે છે.
યોગ કે કસરત કરો
શરીર અને મનને સ્વસ્થ રાખવા માટે ઓછામાં ઓછા 15થી 20 મિનિટ યોગ કે કસરત કરો. આનાથી સ્વાસ્થ્ય પર સકારાત્મક અસર પડે છે. જો કે, તમારે આ પ્રેક્ટિસ દરરોજ કરવાની રહેશે. માત્ર બે-ચાર દિવસ માટે આ નિત્યક્રમનું પાલન કરવાથી કોઈ ફાયદો નહીં થાય. નિયમિત રીતે યોગ કરવાથી શરીરમાં હેપ્પી હોર્મોન્સનો સ્ત્રાવ થશે.
ઊંઘ પૂરી કરો
જો તમે તણાવને તમારા જીવનમાં આવતા અટકાવવા માંગો છો, તો સૌથી પહેલા તમારી ઊંઘવાની આદત બદલો. દરરોજ ઊંઘવાનો યોગ્ય સમય નક્કી કરો. સમયસર સૂઈ જાઓ અને સમયસર જાગો. આ સિવાય ઓછામાં ઓછી 7થી 8 કલાકની ઊંઘ લેવી જરૂરી છે. આ સાથે તમારા ડાયટમાં હેલ્ધી ફૂડ સામેલ કરો. તમારા ડાયટમાં તે વસ્તુઓનો સમાવેશ કરો જેમાં ભરપૂર માત્રામાં વિટામિન, પ્રોટીન અને ફાઈબર હોય.
(નોંધ: આ લેખ માં આપેલી તમામ માહિતી માત્ર જાણકારી નાં ઉદ્દેશ્ય થી આપવામાં આવી છે. સ્વાસ્થ્ય ને લગતી કોઈ પણ માહિતી નું પાલન કરતા પહેલા તમારા ડૉક્ટર ની સલાહ અવશ્ય લેવી..)