કાર્તિક આર્યન અને તૃપ્તિ ડિમરી વધુ એક ફિલ્મમાં એક સાથે કામ કરતા જોવા મળશે. અનુરાગ બાસુએ પોતાની આગામી ફિલ્મ માટે આ બંનેને સાઇન કર્યા છે. આ ફિલ્મ એક એપિક મ્યુઝીકલ લવ સ્ટોરી હોવાનું ચર્ચાઈ રહ્યું છે. જો કે, હજુ આ ફિલ્મનું નામ જાહેર કરવામાં આવ્યું નથી.
કાર્તિક અને તૃપ્તિની જોડી દિવાળી પર રિલીઝ થનારી ફિલ્મ ‘ભુલભુલૈયા 3’માં એક સાથે જોવા મળશે.
ત્યાર બાદ તે બંને અનુરાગ બાસુની ફિલ્મનું કામ શરૂ કરશે. આ મહિનાના અંત સુધીમાં મુંબઈમાં તેનું શૂટ શરૂ થઈ જશે. અનુરાગ બાસુ આ ફિલ્મ 2025ના અંત સુધીમાં રિલીઝ કરવાની ઇચ્છા ધરાવે છે. કાર્તિક આર્યનને લવ સ્ટોરી ફિલ્મો વધુ ગમે છે, તેથી તે પણ આ ફિલ્મ માટે ઉત્સાહીત છે.
છેલ્લા થોડાં અઠવાડિયામાં તેમનું સ્ક્રિપ્ટ રિડીંગ થઈ ચૂક્યું છે. કાર્તિક હવે અનુરાગ બાસુની ફિલ્મમાં કામ કરવા માટે તૈયાર છે. કેટલાંક અહેવાલો મુજબ આ ફિલ્મનું મ્યુઝિક પ્રીતમ દ્વારા કમ્પોઝ કરવામાં આવશે અને તે હિટ થશે તેવી પ્રોડ્યુસર ભુષણ કુમારને ખાતરી છે.
ભારતના વિવિધ લોકેશન પર આ ફિલ્મ શૂટ થશે, જેનું કામ સપ્ટેમ્બર 2024થી ફેબ્રુઆરી 2025 સુધી ચાલશે. આ ફિલ્મ પુરી કર્યા પછી કાર્તિક મુદસ્સર અઝીઝની ફિલ્મ ‘પતિ પત્ની ઔર વો’ ની સિક્વલ માટેનું કામ શરૂ કરશે.