ચાહકો લાંબા સમયથી OTT પર સ્ત્રી 2 ની રિલીઝની રાહ જોઈ રહ્યા છે. પરંતુ હવે લાગે છે કે તેમની રાહ પૂરી થઈ ગઈ છે. આ ફિલ્મ OTT પ્લેટફોર્મ પર ઉપલબ્ધ છે અને તમે તેને તમારા ઘરમાં આરામથી માણી શકો છો. જો કે, હાલમાં તમારે તેને જોવા માટે તમારા પૈસા ખર્ચવા પડશે.
સ્ત્રી 2 (Stree 2)ને સિનેમાઘરોમાં રિલીઝ થયાને લગભગ દોઢ મહિનો થઈ ગયો છે પરંતુ આ ફિલ્મ તેની જગ્યાએથી ખસવા તૈયાર નથી.
ફિલ્મે ઘરેલુ બોક્સ ઓફિસ પર 600 કરોડ રૂપિયાથી વધુનું કલેક્શન કર્યું છે અને આવનારા દિવસોમાં આ આંકડો વધુ વધી શકે છે. આ હોરર કોમેડીમાં રાજકુમાર રાવ અને શ્રદ્ધા કપૂરે મુખ્ય ભૂમિકા ભજવી હતી.
રેન્ટ પર ઉપલબ્ધ છે ફિલ્મ
એવા અહેવાલ હતા કે શ્રદ્ધાના ઘણા ચાહકો ફિલ્મ જોવા માટે બેથી ત્રણ વખત થિયેટરમાં ગયા હતા. હવે તેની પાસે હેટ્રિક ફટકારવાની વધુ એક તક છે. આ ફિલ્મ OTT પર રિલીઝ થઈ છે. જો કે મૂળ સ્ત્રી ડિઝની પ્લસ હોટસ્ટાર પર ઉપલબ્ધ છે, તમે તેની સિક્વલ એમેઝોન પ્રાઇમ વિડિયો પર જોઈ શકશો. આ ફિલ્મ હાલમાં પ્લેટફોર્મ પર ભાડે ઉપલબ્ધ છે. મતલબ, તમે 349 રૂપિયા ચૂકવીને આ ફિલ્મ ઘરે બેઠા આરામથી જોઈ શકો છો.
શું હશે સ્ત્રી 3 ની વાર્તા?
સ્ત્રી 2 એ જ નામની 2013 માં આવેલી ફિલ્મ સ્ત્રીની સિક્વલ છે. અમર કૌશિકે આ ફિલ્મનું નિર્દેશન કર્યું છે. રાજકુમાર રાવ અને શ્રદ્ધા કપૂર ઉપરાંત પંકજ ત્રિપાઠી, અભિષેક બેનર્જી અને અપારશક્તિ ખુરાના પણ મહત્વના રોલમાં છે. આ સિવાય ફિલ્મમાં વરુણ ધવન અને અક્ષય કુમારનો કેમિયો પણ જોવા મળ્યો હતો. આ વાર્તાનો જે રીતે અંત આવ્યો છે તે જોતા લાગે છે કે ભાગ 3 વધુ રસપ્રદ બનશે.
આ ફિલ્મ મેડૉક ફિલ્મ્સના સુપરનેચરલ યૂનિવર્સનો ભાગ છે. 2018માં રિલીઝ થયેલી સ્ત્રી તેનો પ્રથમ પાર્ટ આવ્યો હતો. આ પછી વરુણ ધવન અને કૃતિ સેનન સ્ટારર ફિલ્મ ‘ભેડિયા’ 2022માં રિલીઝ થઈ હતી. ત્યારબાદ ‘મંજુ’ આવી. આ પછી ‘સ્ત્રી 2’ 15 ઓગસ્ટે રિલીઝ થઈ હતી. Stree 2 એ વિશ્વભરમાં 800 કરોડ રૂપિયાથી વધુનો બિઝનેસ કર્યો છે.