૨૮ ડિસેમ્બરે દુબઈમાં યોજાયેલા આઇફા અવૉર્ડ્સમાં ‘12th ફેલ’ ફિલ્મ માટે વિધુ વિનોદ ચોપડાને બેસ્ટ ડિરેક્ટરનો અવૉર્ડ મળ્યો હતો. આઇફાની ઇવેન્ટમાં વિધુ વિનોદ ચોપડાએ ‘12th ફેલ’ની પ્રીક્વલ ફિલ્મ અનાઉન્સ કરી હતી. એ ફિલ્મનું નામ ‘ઝીરો સે શુરુઆત’ રાખવામાં આવ્યું છે. વિધુ વિનોદ ચોપડાએ જણાવ્યું હતું કે સેમ સ્ટારકાસ્ટ સાથેની આ ફિલ્મ ૧૩ ડિસેમ્બરે રિલીઝ થશે.
પ્રીક્વલ એટલે એવી ફિલ્મ જેમાં મૂળ ફિલ્મની વાર્તામાં અગાઉ શું થયું હતું એ દેખાડવામાં આવે છે.
ઉલ્લેખનીય છે કે સફળ ફિલ્મ ‘12th ફેલ’ IPS ઑફિસર મનોજ કુમાર શર્માની રિયલ વાર્તા કહેતી અનુરાગ પાઠકની એ જ નામની બુક પર આધારિત ફિલ્મ છે. ફિલ્મમાં વિક્રાંત મૅસીએ મનોજ શર્માનું પાત્ર ભજવ્યું છે. તેની સાથે મનોજ શર્માનાં પત્ની શ્રદ્ધા જોશીના પાત્રમાં મેધા શંકર છે.