વધુ એક કલાકારે ‘તારક મહેતા કા ઉલ્ટા ચશ્મા’ શો માંથી વિદાય લીધી છે અને તરત જ નવા પાત્રની એન્ટ્રી પણ થઈ ગઈ છે. શોમાં સોનુનું પાત્ર ભજવી રહેલી પલક સિધવાનીએ શો છોડ્યાના થોડાં જ દિવસમાં નવી સોનુ પસંદ થઈ ગઈ છે, ખુશી માળી હવે તેના બદલે સોનુનું પાત્ર બજવતી જોવા મળશે.
છેલ્લાં પાંચ વર્ષથી પલકે સોનુ ભિડેનું પાત્ર ભજવ્યુ હતુ. ખુશી આ પહેલાં સાઝા સિંદુર સીરિયલમાં કામ કરતી હતી.
તારક મહેતાના પ્રોડ્યુસર આસિત કુમાર મોદીએ કહ્યું,’સોનુ ટપુ સેનાનો મહત્વનો ભાગ છે અને તેની હાજરીમાં હંમેશા નેતૃત્વ અને હુંફ અનુભવાઈ છે.’ જ્યારે આ પાત્ર માટે ખુશી માળીની પસંદગી અંગે તેમણે કહ્યું,’ખુશીને કાસ્ટ કરવાનો નિર્ણય બહુ સમજી વિચારીને લેવામાં આવ્યો હતો અને અમને લાગે છે કે તે પાત્ર માટે બિલકુલ યોગ્ય રીતે વણાઈ જશે. અમે ખુશીને આવકારતા ખુશી અનુભવીએ છીએ અને તેને આ પાત્ર જીવંત કરવામાં મદદ કરીશું. અમે આશા રાખીએ કે દર્શકો પણ તેને પહેલાં જેટલો જ પ્રેમ આપશે જેટલો છેલ્લા 16 વર્ષથી આપી રહ્યા છે.’
ખુશી એક મોડેલ અને એક્ટર છે, તેણે કહ્યું,’સોનુનું પાત્ર ભજવવું મારા માટે બહુ રસપ્રદ બાબત છે કારણ કે આ પાત્રના ઘણા સારા પાસાં છે. તારક મહેતાનો ભાગ હોવું એ મારા માટે આશીર્વાદ અને બહુ મોટી તક છે.
મારા પાત્ર દ્વારા લોકો સાથે જોડાવા હું આતુર છું.’
બીજી તરફ પલક સિધવાની સિરીયલ સાથે કાયદાકીય લડતમાં ફસાઈ ગઈ છે. તેને શો તરફથી કરારને ન અનુસરવા માટે નોટિસ મોકલવામાં આવી છે, તો સામે પલકે પણ શોના પ્રોડ્યુસર પર તેના માટે શો છોડવાનું મુશ્કેલ થઈ રહ્યું હોવાના આક્ષેપ કર્યા છે. પલક છેલ્લા પાંચ વર્ષથી સોનુનો રોલ કરતી હતી. તારક મહેતા ટીવી પર સૌથી લાંબો સમય ચાલેલા શોમાંનો એક છે.