વર્ષ 2024 ના છેલ્લા મહિનાઓમાં અનેક મોટી ફિલ્મો રિલીઝ થવા જઈ રહી છે. દિવાળી પર સિંઘમ અગેઈન અને ભૂલ ભુલૈયા 3 વચ્ચે મોટી ટક્કર છે. તો ડિસેમ્બરમાં અલ્લુ અર્જુન સ્ટારર ‘પુષ્પા 2’ આ વર્ષની સૌથી વધુ રાહ જોવાતી ફિલ્મોમાંથી એક છે.
‘પુષ્પા 2’ ફિલ્મ રિલીઝ થવામાં હજુ સમય છે, પરંતુ જેમ જેમ દિવસો પસાર થઈ રહ્યા છે તેમ તેમ આ ફિલ્મ પ્રત્યે લોકોનો ક્રેઝ પણ વધી રહ્યો છે.
પુષ્પા 2 ફિલ્મના ગીતો રિલીઝ થઈ ચૂક્યા છે. આ દરમિયાન મેકર્સે જણાવ્યું કે ફિલ્મનો પ્રથમ ભાગ પૂર્ણ થઈ ગયો છે. આ સાથે પુષ્પા 2નું નવું પોસ્ટર પણ શેર કરવામાં આવ્યું છે.
પુષ્પા 2 નું નવું પોસ્ટર રિલીઝ
આ પોસ્ટરમાં અલ્લુ અર્જુન પહાડ પર ઉભેલા નજરે પડી રહ્યા છે. તેઓ જ્યાં ઉભા છે, ત્યાંથી થોડે દૂર એક શ્વાન પણ છે. પોસ્ટરમાં અલ્લુ અર્જુનની આગળ આગ દેખાઈ રહી છે. અલ્લુ અર્જુનનું આ પોસ્ટર શેર કરતાં મેકર્સે કેપ્શનમાં લખ્યું કે પુષ્પા 2, ધ રુલ નો પહેલો ભાગ લોક્ડ, લોડેડ અને ફાયરથી ભરેલો છે. ઈતિહાસ બનતો જોવા તૈયાર થઈ જાવ, કારણ કે પુષ્પા ભારતીય બોક્સ ઓફિસ પર તોફાન મચાવી દેશે. આ ભારતીય સિનેમામાં એક નવું ચેપ્ટર લખશે. 6 ડિસેમ્બરે આ ફિલ્મ સિનેમાઘરોમાં…
પુષ્પા 2 ક્યારે રિલીઝ થશે (Pushpa 2 Release Date)
ફિલ્મ ‘પુષ્પાઃ ધ રૂલ’ આ વર્ષે ઓગસ્ટમાં રિલીઝ થવાની હતી. પરંતુ વાર્તાનું કામ બાકી હોવાથી તારીખ મોકૂફ રાખવામાં આવી હતી. આ ફિલ્મ હવે 6 ડિસેમ્બરે રિલીઝ થશે.