પ્રસિદ્ધ મલયાલમ અભિનેતા Baiju Santhoshની પોલીસે ધરપકડ કરી હતી. અભિનેતા નશામાં ધૂત થઈને ટુ વ્હીલર સાથે અથડાતા અકસ્માતનો ભોગ બન્યો હતો.
પ્રખ્યાત મલયાલમ અભિનેતા વિશે એક ચોંકાવનારા સમાચાર સામે આવી રહ્યા છે. જાણીતા અભિનેતાની હવે પોલીસે ધરપકડ કરી લીધી છે.
સાઉથ એક્ટર બૈજુ સંતોષની મુશ્કેલીઓ વધી ગઈ છે. અભિનેતાની પોલીસે આજે સવારે એટલે કે સોમવાર, 14 ઓક્ટોબરે ધરપકડ કરી છે. તેના પર દારૂના નશામાં અને સ્પીડમાં કાર ચલાવવાનો આરોપ છે અને આ દરમિયાન તેણે એક સ્કૂટરને ટક્કર મારી હતી. હવે આ કેસમાં તેના પર અનેક કલમો લગાવવામાં આવી છે.
અકસ્માત બાદ અભિનેતા પર આ કલમો લગાવવામાં આવી હતી
રિપોર્ટ્સ અનુસાર, આ દુર્ઘટના કેરળના કૌડિયાર-વેલ્લાયમ્બલમ રોડ પર થઈ હતી. આ ઘટના રાત્રે 11.45 વાગ્યાની આસપાસ બની હોવાનું કહેવાય છે. પોલીસને આ ઘટનાની જાણકારી મળતા જ તેઓ તાત્કાલિક ત્યાં પહોંચી ગયા હતા. આ પછી, પોલીસે તરત જ Baiju Santhosh કસ્ટડીમાં લીધો અને સોમવારે સવારે 12.30 વાગ્યે તેની ધરપકડ કરી. અભિનેતા બૈજુ સંતોષ પર હવે મોટર વાહન અધિનિયમ, 1988 ની કલમ 281 (જાહેર રસ્તા પર બેફામ ડ્રાઇવિંગ) અને કલમ 185 (દારૂના પ્રભાવ હેઠળ ડ્રાઇવિંગ) હેઠળ આરોપ મૂકવામાં આવ્યો છે.
કેવી રીતે થયો અકસ્માત?
જણાવી દઈએ કે, Baiju Santhosh ને જામીન મળી ગયા છે અને તે મુક્ત થઈ ગયો છે. જ્યારે તેની કાર પોલીસ દ્વારા કબજે લેવામાં આવી છે. અભિનેતાને ઈજા થઈ નથી. તે જ સમયે, સ્કૂટર ચલાવનાર વ્યક્તિને કોઈ ગંભીર ઈજા થઈ નથી. તે વ્યક્તિએ અભિનેતા વિરુદ્ધ કોઈ ફરિયાદ પણ નોંધાવી ન હતી. એવું કહેવામાં આવી રહ્યું છે કે અભિનેતા રોડ કન્સ્ટ્રક્શન બેરિયરથી બચવા માટે પોતાની કારને ફેરવી રહ્યો હતો અને તેણે પોતાના વાહન પરનો કાબૂ ગુમાવી દીધો.
શું અભિનેતા સાથે પુત્રી પણ કારમાં હાજર હતી?
આ પ્રક્રિયા દરમિયાન, સ્કૂટર તેની કાર સાથે અથડાયું અને બે સિગ્નલ પોસ્ટ પર અથડાયા પછી તેણે અચાનક કાર રોકી દીધી. આ અકસ્માતમાં અભિનેતાની કારનું આગળનું ટાયર પંચર થઈ ગયું હતું. મીડિયા રિપોર્ટ્સમાં દાવો કરવામાં આવ્યો છે કે જ્યારે આ અકસ્માત થયો ત્યારે અભિનેતાની પુત્રી પણ કારમાં હાજર હતી. જો કે, બૈજુની પુત્રીએ સોશિયલ મીડિયા પર એક પોસ્ટ શેર કરી છે અને સ્પષ્ટતા કરી છે કે તે તેની નહીં પરંતુ તેના પિતાના પિતરાઈ ભાઈની પુત્રી હતી જે કારમાં હતી. બીજી તરફ એવું પણ કહેવામાં આવી રહ્યું છે કે એક્ટરે તપાસ દરમિયાન પોતાના બ્લડ સેમ્પલ આપવાની ના પાડી દીધી હતી. ડોક્ટરે પોલીસને જણાવ્યું કે તેના મોઢામાંથી દારૂની વાસ આવી રહી હતી.
