એમેઝોન પ્રાઈમ વીડિયોની વેબ સિરીઝ પંચાયત દર્શકો દ્વારા સૌથી વધુ પંસદ કરવામાં આવેલી વેબ સિરીઝ છે. આ સિરીઝના અત્યાર સુધીમાં ત્રણ સિઝન આવી ગયા છે અને ત્રણેય સિઝનને દર્શકોએ ભરપૂર પ્રેમ આપ્યો છે. ત્યારે હવે દર્શકો તેના ચોથા સિઝનની આતુરતાથી રાહ જોઈ રહ્યા છે. હવે માહિતી મળી રહી છે કે, પંચાયતના ચોથા સિઝન સાથે સચિવજી પરત ફરી રહ્યા છે.
25 ઓક્ટોબરથી શરૂ થશે પંચાયત 4ની શૂટિંગ!
બોલિવૂડ હંગામાના રિપોર્ટ પ્રમાણે, પંચાયતના ચોથા સિઝનની શૂટિંગ 25 ઓક્ટોબરથી શરૂ થવાની છે. રિપોર્ટમાં કહેવામાં આવ્યું છે કે, આ શોના તમામ કલાકારોની ચોથા સિઝનમાં વાપસી થશે. આ સાથે જ સિઝન 3માં એક સીનમાં સાંસદના રોલમાં જોવા મળેલ સ્વાનંદ કિરકિરે પણ સિઝન 4માં મહત્ત્વપૂર્ણ ભૂમિકામાં જોવી મળી શકે છે.
આ રિપોર્ટમાં વધુમાં કહેવામાં આવ્યું છે કે, આ એક એવી વેબ સિરીઝ છે કે, જેને સમગ્ર પરિવાર સાથે બેસીને જોઈ શકાય છે. અત્યાર સુધીમાં આના તમામ સિઝન બ્લોકબસ્ટર રહ્યા છે. જેથી મેકર્સ સિઝન 4ની સ્ક્રિપ્ટ માટે ખૂબ મહેનત કરી રહ્યા છે.
જો કે, અત્યાર સુધીમાં પંચાયતના ચોથા સિઝનને લઈને કોઈ પણ ઓફિશિયલ જાણકારી સામે આવી નથી. મેકર્સ અને સ્ટારકાસ્ટ દ્વારા પણ કોઈ જાણકારી શેર કરવામાં આવી નથી. જો કે, આ રિપોર્ટ સામે આવ્યા બાદ ફેન્સ ઘણા જ ખુશ જોવા મળી રહ્યા છે.