કરીના કપૂર સ્ટારર “ધ બકિંગહામ મર્ડર્સ” ની જાહેરાત થઈ ત્યારથી જ એક્ટ્રેસના ફેન્સ તેને લઈને ખૂબ જ ઉત્સુક છે. હવે આ મર્ડર-મિસ્ટ્રી રિલીઝ થવામાં થોડા જ દિવસો બાકી છે, આ દરમિયાન મેકર્સ દ્વારા ફિલ્મનું ટ્રેલર પણ રિલીઝ કરવામાં આવ્યું છે. ચાહકોની આતુરતાનો અંત આવ્યો છે, કારણ કે ‘ધ બકિંગહામ મર્ડર્સ’નું ટ્રેલર રિલીઝ થઈ ગયું છે.
અભિનેત્રી પહેલા ક્યારેય નહીં જોયેલા અવતારમાં જોવા મળશે.
ધ બકિંગહામ મર્ડર્સનું ટ્રેલર રિલીઝ
“ધ બકિંગહામ મર્ડર્સ” નું ટીઝર રિલીઝ કરવામાં આવ્યું હતું, જેને દર્શકોનો જબરદસ્ત પ્રતિસાદ મળ્યો હતો અને હવે આ ફિલ્મનું ટ્રેલર પણ રિલીઝ કરવામાં આવ્યું છે. ધ બકિંગહામ મર્ડર્સનું ટ્રેલર સસ્પેન્સ અને રોમાંચથી ભરેલું છે. ટ્રેલરની શરૂઆત એક છોકરાથી થાય છે જે હત્યાનો શંકાસ્પદ નંબર 1 છે. આ છોકરો પોલીસના હાથે ઝડપાઇ ગયો, જેના કારણે કરીના કપૂરે સવાલ કર્યો કે તે 15 નવેમ્બરની રાત્રે ક્યાં હતો. આ પછી તે હત્યાની રાત વિશે અન્ય શંકાસ્પદ લોકોની પૂછપરછ કરે છે.
કરીના કપૂર આ અવતારમાં જોવા મળશે
કરીના કપૂર ખાન પડદા પર કડક પોલીસ ઓફિસરની ભૂમિકામાં જોવા મળશે. ઇન્ડસ્ટ્રીમાં 25 વર્ષની સફળ કારકિર્દી બાદ કરીના પણ આ ફિલ્મથી નિર્માતા તરીકેની નવી સફર શરૂ કરી રહી છે. વીરે દી વેડિંગ અને ક્રૂ પછી, અભિનેત્રી ફરી એકતા આર કપૂર સાથે કામ કરી રહી છે, જે કોમર્શિયલ હિટ માટે જાણીતી છે. આ વખતે એકતા સંપૂર્ણ સસ્પેન્સ થ્રિલર ફિલ્મને સપોર્ટ કરી રહી છે. આ ફિલ્મનું નિર્દેશન એવોર્ડ વિજેતા અને ખૂબ વખાણાયેલા દિગ્દર્શક હંસલ મહેતા દ્વારા કરવામાં આવ્યું છે, જેમને તેમની ફિલ્મો અને વેબ શો જેમ કે “શાહિદ”, “સિટી લાઇટ્સ”, “સ્કેમ 1992” અને “સ્કૂપ” માટે પ્રેક્ષકો દ્વારા પસંદ કરવામાં આવે છે.