શું તમે ખાધી છે ડુંગળી અને આમલીની મસાલેદાર ચટણી.સ્વાદ એવો કે રોટલી વગરની ચટણી ખાઈ જશો; જાણી લો રેસિપી

શું તમને રસોઈ બનાવવી ગમે છે? એટલા માટે તમે હંમેશા કંઈક નવું કરવાનો પ્રયાસ કરતા રહો છો. શું તમને ચટણીનો સ્વાદ ગમે છે? શું આ પણ કોઈ પ્રશ્ન છે? ખાસ કરીને વાત જ્યારે ચટણીની આવે ત્યારે તેને બનાવવાનો પ્રયત્ન તો કરવો જ પડે છે. તમે વિવિધ પ્રકારની ડુંગળીની ચટણીનો સ્વાદ તો લીધો જ હશે, પરંતુ શું તમે ક્યારેય આમલી અને ડુંગળીની ચટણી બનાવી છે?

શું તમે જાણવા માંગો છો કે તે કેવી રીતે બનાવી શકાય છે આ ડુંગળી અને આમલીની ચટણી તો આ આર્ટિકલને અંત સુધી જરુર વાંચો.

ડુંગળી અને આમલીની ચટણી માટેની સામગ્રી:

1 મોટી ડુંગળી, ઝીણી સમારેલી, 1 કપ આમલીની પેસ્ટ, 1/2 કપ પાણી, 1/4 કપ બ્રાઉન સુગર, 1/4 ચમચી વાટેલું જીરું, 1/4 ચમચી કોથમીર, સ્વાદ મુજબ મીઠું, 1-2 સૂકું લાલ મરચા ,

ડુંગળી અને આમલીની ચટણી કેવી રીતે બનાવવી?

1. ગેસ ચાલુ કરીને મીડિયમ આંચ પર એક પેનમાં તેલ ગરમ કરો. હવે આ તેલમાં ઝીણી સમારેલી ડુંગળી નાખો અને તેને ગોલ્ડન બ્રાઉન થાય ત્યાં સુધી સાંતળી લો.
2. જ્યારે ડુંગળી ગોલ્ડન બ્રાઉન થઈ જાય ત્યારે તેમાં આમલીની પેસ્ટ, 1/2 કપ પાણી, 1/4 કપ બ્રાઉન સુગર, 1/4 ચમચી વાટેલું જીરું, 1/4 ચમચી કોથમીર, સ્વાદ મુજબ મીઠું, 1-2 સૂકા લાલ મરચાં નાખો અને બરાબર મિક્સ કરી લો.
3. હવે તેને ઉકળવા દો. જ્યારે તે ઉકળી જાય ત્યારે ગેસની આંચ ધીમી કરીને 10-15 મિનિટ અથવા ચટણી ઘટ્ટ થાય ત્યાં સુધી તેને પકાવો.
4. 15 મિનિટ પછી ગેસ બંધ કરી દો. તમારી મસાલેદાર આમલીની ચટણી તૈયાર છે. તેને ગેસ પરથી ઉતારો અને ઠંડુ થવા દો.
5. તમે આ ચટણીને સ્ટોર કરીને પણ રાખી શકો છો. જ્યારે ચટણી ઠંડી થઈ જાય ત્યારે તેને એક એરકન્ટેનરમાં ભરીને 1 અઠવાડિયા સુધી ફ્રિજમાં રાખી શકો છો.