નાળિયેર ચોખા- ભાતને સામાન્ય ચોખા કરતાં પણ વધુ સ્વાદિષ્ટ બનાવવા માટે, તેમાં છીણેલું નારિયેળ ઉમેરો. તેને બનાવવા માટે એક કડાઈમાં નારિયેળ તેલ લો અને તેમાં મગફળી, સરસવ અને જીરું તળી લો.
પછી તેમાં કઢી પત્તા, લીલાં મરચાં, લાલ મરચાં અને તૂટેલા કાજુ નાખીને ફ્રાય કરો. છીણેલું નાળિયેર ઉમેરો અને સારી રીતે મિક્સ કરો. તેને બાફેલા ચોખા સાથે મિક્સ કરીને પાકવા દો.
નારિયેળની ચટણી – નારિયેળની ચટણીને ઇડલી, ઢોસા અને ઉત્તાપમ સાથે પીરસવામાં આવે છે. તેને બનાવવા માટે બ્લેન્ડરમાં તાજું સમારેલ નારિયેળ, જીરું અને તળેલી ચણાની દાળ ઉમેરો. તેને સારી રીતે પીસી લો અને પછી પાણી ઉમેરો. સ્મૂધ પેસ્ટ બનાવો. બીજી કડાઈમાં તેલ, અડદની દાળ અને લાલ મરચું નાખીને ગરમ કરો. તેમાં કઢી પત્તા અને હિંગ ઉમેરો. પછી તેને ચટણીમાં મિક્સ કરો.
નારિયેળના લાડુ – નારિયેળના લાડુ એક ખૂબ જ સ્વાદિષ્ટ વાનગી છે. તમે તેને ઘરે પણ બનાવી શકો છો. આ માટે એક પેનમાં તાજુ છીણેલું નારિયેળ ઉમેરો. તેને સારી રીતે તળી લો. પછી તેમાં ગોળ અથવા ખાંડ નાખીને બરાબર મિક્ષ કરી લો. મિશ્રણને ઠંડુ થવા દો. ત્યારબાદ હાથ પર ઘી લગાવો અને નારિયેળના લાડુ બનાવો.