મેગીની નવી વેરાયટી ખાવી હોય તો ટ્રાય કરો પંજાબી તડકા મેગી, નોટ કરો આ ચટપટી રેસિપી

જ્યારે મેગી ખાવાની વાત આવે છે, ત્યારે કોઈ તેને ખાવાની ના પાડતું નથી. મેગી ભલે ઈન્ડિયન ફૂડ (Indian Food) ન હોય પરંતુ તે આપણા દરેકના ઘરમાં ફેવરિટ રેસિપી બની ગઈ છે. ખાસ કરીને બાળકો મેગીને ખૂબ જ પસંદ કરે છે. આજકાલ મેગીની ઘણી વેરાયટીઓ બજારમાં મળવા લાગી છે. દરેક વેરાયટીનો પોતાનો અલગ સ્વાદ હોય છે. અમે તમને એવી જ એક વેરાયટી પંજાબી તડકા મેગીની રેસિપી જણાવવા જઈ રહ્યા છીએ.

તેને બનાવીને તમે નવી વેરાયટીનો સ્વાદ માણી શકો છો.

સામગ્રી

• 2 પેકેટ મેગી
• 1/4 કપ ડુંગળી સમારેલી
• 1/4 કપ ટામેટાં સમારેલા
• 1/4 કપ કેપ્સીકમ સમારેલા
• 1/4 કપ લીલા વટાણા
• 1/4 કપ ગાજર ટુકડામાં કાપેલા
• 1/2 ચમચી ગરમ મસાલો
• 1 ચમચી કાશ્મીરી મરચું પાવડર
• 2-3 સૂકા લાલ મરચાં
• 1 ચમચી લસણ ઝીણું સમારેલું
• 1 ચમચી બટર

પંજાબી તડકા મેગી બનાવવાની રીત

• પંજાબી તડકા મેગી બનાવવા માટે સૌથી પહેલા એક પેનમાં તેલ ગરમ કરો અને તેમાં ડુંગળી, ટામેટા, કેપ્સીકમ, વટાણા અને ગાજર ઉમેરો. આ શાકભાજીને સહેજ નરમ થાય ત્યાં સુધી પકાવો.
• હવે તેમાં મેગી મસાલો, ગરમ મસાલો અને થોડું મીઠું ઉમેરીને બરાબર મિક્સ કરી લો.
• જ્યારે આ મસાલો પાકી જાય ત્યારે તેમાં 2 કપ પાણી ઉમેરો. મસાલા અને પાણીને એકસાથે ઉકાળો અને તેમાં મેગી નૂડલ્સ નાખીને ઢાંકણ ઢાંકીને થોડીવાર ચઢવા દો.
• મેગી બફાઈ જાય એટલે બીજી પેન ગરમ કરો અને તેમાં બટર નાખો.
• બટર ગરમ થાય એટલે તેમાં ઝીણું સમારેલું લસણ અને સૂકું લાલ મરચું ઉમેરો.
• જ્યારે તે તડતડ થવા લાગે, ત્યારે તેમાં કાશ્મીરી મરચાંનો પાવડર ઉમેરો અને બધી વસ્તુને બરાબર મિક્સ કરો, પછી તેને આંચ પરથી ઉતારી લો.
• તમારી ગરમા-ગરમ પંજાબી તડકા મેગી સર્વ કરવા માટે તૈયાર છે.