આ રીતે કાશ્મીરી અંદાજમાં બનાવો પનીર, સ્વાદ એવો સૌ કોઈ રેસિપી પૂછશે

પનીરનો ભલે પોતાનો કોઈ સ્વાદ ન હોય પરંતુ તેને અલગ-અલગ મસાલાઓથી બનાવીને ખૂબ સ્વાદિષ્ટ રૂપ આપી શકાય છે. જો તમે પણ મટર પનીર અને શાહી પનીરના સ્વાદથી કંટાળી ગયા છો તો આ વખતે પનીરને કાશ્મીરી સ્ટાઈલમાં બનાવો. આનો સ્વાદ દરેક લોકોને પસંદ આવશે. તો ચાલો જાણીએ કશ્મીરી પનીર બનાવવાની રીત…

સામગ્રી

• પનીરના ટુકડા એક કપ
• દૂધ દોઢ કપ

• તેલ એક ચમચો
• જીરુ એક ચમચી
• લવિંગ
• હળદર પાઉડર
• બે તેજના પાંદળા
• ગરમ મસાલો
• આદુ
• મીઠું સ્વાદ અનુસાર
• એક ચપટી કેસર
• એલાયચી ત્રણ
• વરિયાળી બે ચમચી
• મેથી એક ચમચી

કશ્મીરી પનીર બનાવવાની રીત

• સૌથી પહેલા લવિંગ, એલાયચી, વરીયાળી, મેથીનો પાઉડર બનાવી લો. એક કડાઈમાં તેલ ગરમ કરો, તેમાં જીરું અને તૈયાર કરેલો મસાલાનો પાવડર નાખો. સાથે દૂધ નાખીને ગરમ કરી લો.
• જ્યારે દૂધમાં ઉભરો આવે ત્યારે તેમાં હળદર પાઉડર, આદુ, ગરમ મસાલો, તજના પાંદળા અને કેસર નાખો. આંચને ધીમી રાખો.
• જ્યારે મિશ્રણ સારી રીતે ભળી જાય ત્યારે તેમાં પનીરના ટૂકડા નાખો. દૂધમાં પરપોટા થવા લાગે ત્યારે તેમાં મીઠું નાખો. ગેસને બંધ કરી દો અને ગરમ ગરમ સર્વ કરો.