- અખરોટમાં વિવિધ પોષક તત્વો રહેલા હોય છે
- અખરોટ દરરોજ એક વાર ખાવામાં આવે તો લાંબા સમય સુધી ભૂખ નથી
- અખરોટથી ડિપ્રેશન, ટેન્શન અને સ્ટ્રેસ જેવી સમસ્યા નથી થતી
બધા ડ્રાય ફ્રૂટ્સ સ્વાસ્થ્ય માટે ફાયદાકારક માનવામાં આવે છે પરંતુ જો તમે અખરોટને તમારા રોજિંદા જીવનમાં સામેલ કરશો તો તમારા શરીર માટે ખૂબ જ ફાયદાકારક રહશે અને તમે તંદુરસ્ત જીવન જીવી શકશો.
અખરોટ ખાવાના ફાયદા
ભારતમાં લોકોની જીવનશૈલી અને ખાવાની આદતો એવી છે કે લોકોનું વજન વધશે એ સ્વાભાવિક છે. પરંતુ સ્થૂળતા એક એવી સમસ્યા છે જે ભવિષ્યમાં હાઈ બીપી, હૃદય રોગ અને ડાયાબિટીસ જેવી ગંભીર બીમારીઓનું જોખમ ઉભું કરે છે આવી સ્થિતિમાં તમારે તમારા સ્વાસ્થ્યનું વિશેષ ધ્યાન રાખવાની જરૂર છે.
આ ડ્રાય ફ્રુટ તમારા માટે કેવી રીતે ફાયદાકારક?
જ્યારે પેટ અને કમરની આસપાસ ચરબી વધવા લાગે છે તો સમજી લો કે હવે રોજિંદા આહારમાં ફેરફાર કરવાનો સમય છે અને તેમાં મોડું કરવું નુકસાનકારક સાબિત થઈ શકે છે. હેલ્થ એક્સપર્ટના મતે જો તમે રોજ અખરોટ ખાવાથી તમારું વજન ધીમે-ધીમે કંટ્રોલ થશે. ચાલો જાણીએ કે આ ડ્રાય ફ્રુટ તમારા માટે કેવી રીતે ફાયદાકારક છે.
અખરોટ ખાવાના 10 ફાયદા
1. અખરોટમાં વિવિધ પોષક તત્વો રહેલા હોય છે જે તમારા શરીર માટે ખૂબ જ ફાયદાકારક છે જેમાં આયર્ન, કેલ્શિયમ, કોપર, પ્રોટીન, મેગ્નેશિયમ, ઓમેગા 3 ફેટી એસિડ્સ, વિટામિન્સ અને ફોસ્ફરસ જેવા પોષક તત્વો હોય છે.
2. અખરોટ દરરોજ એક વાર ખાવામાં આવે તો લાંબા સમય સુધી ભૂખ નથી લાગતી અને શરીરમાં એનર્જી રહે છે આવી સ્થિતિમાં તે તમારા વધતા વજનને ઘટાડવામાં મદદ થઈ શકે.
3. અખરોટ ખાવાથી યાદશક્તિ વધે છે, તેથી વિદ્યાર્થીઓને તેને ખાવાની સલાહ આપવામાં આવે છે.
4. જો અખરોટનું નિયમિત સેવન કરવામાં આવે તો ડિપ્રેશન, ટેન્શન અને સ્ટ્રેસ જેવી સમસ્યા નથી થતી.
5. અખરોટ ખાવાથી હૃદય સ્વસ્થ રહે છે અને હાર્ટ એટેક જેવી બીમારીઓ તમારાથી દૂર ભાગે છે.
6. આ ડ્રાય ફ્રુટમાં ભરપૂર માત્રામાં ફાઈબર હોય છે જેનાથી કબજિયાત જેવી પેટની સમસ્યા થતી નથી.
7. અખરોટ ખાવાથી ઈમ્યુનિટી વધે છે જેનાથી ઈન્ફેક્શનનો ખતરો સાવ ઓછો થાઈ જાય છે.
8 અખરોટમાં લિનોલેનિક એસિડ હોય છે જે હાડકાંને મજબૂત કરવાનું કામ કરે છે.
9. તેમાં ઓમેગા-3 ફેટી એસિડ હોવાથી તે ગર્ભવતી મહિલાઓ માટે ખૂબ જ સારું છે.
10. અખરોટનું સેવન કોલેસ્ટ્રોલને નિયંત્રણમાં રાખે છે.