ટેસ્ટી અને સોફ્ટ ચોખાના લોટની ચકરી કેવી રીતે બનાવવી તે પ્રશ્ન ઘણી ગૃહિણીઓને સતાવતો હોય છે. આજે તમને જણાવશે કે આ ચકરી કેવી રીતે બનાવવી જોઈએ. જાણો તેને બનાવવાની સરળ રેસીપી.
ચોખાના લોટની ચકરી બનાવવા માટેની સામગ્રી
- ચોખાનો લોટ
- ચણાનો લોટ
- મીઠું
- તેલ
- હીંગ
- હળદર
- લાલ મરચું પાવડર
- આદુ-મરચા અને મીઠા લીમડાનો પેસ્ટ
- માખણ
- જીરું
- અજમો
ચોખાના લોટની ચકરી બનાવવાની રીત
- એક ચમચી જીરું, એક ચમચી અજમો, બે ચમચી તલ ખાયણીમાં અધકચરું ખાંડી લો.
- મોટા વાસણમાં બે કપ ચોખાનો લોટ, એક કપ ચણાનો લોટ લો. (ઓપ્શનલ – ચણાનો લોટ)
- હવે તેમાં જીરું, અજમો અને તલ ઉમેરો.
- પછી તેમાં મીઠું, હીંગ, હળદર, લાલ મરચું પાવડર, આદુ-મરચા અને મીઠા લીમડાનો પેસ્ટ, પાંચ ચમચી તેલ કે માખણ ઉમેર્યા પછી બધું મિક્સ કરી લો.
- હવે ગરમ પાણીથી લોટ બાંધો.
- લોટને 30 મિનિટ ઢાંકીને મૂકી દો.
- ત્યારબાદ ચકરી પાડવાના સંચામાં તેલ લગાવી લો.
- ત્યારબાદ લોટ તેમાં ભરી દો.
- ત્યારબાદ પ્લેટની અંદર ચકરી પાડો.
- હવે તળવા માટે તેલ ગરમ કરવા માટે મૂકો.
- પછી આ ચકરીને તાવીથાની મદદથી ગરમ તેલમાં તળી લો.
- ગોલ્ડન બ્રાઉન થાય પછી બહાર કાઢી લો.
- તૈયાર છે તમારી ચોખાના લોટની ચકરી.