ગરમા ગરમ દાલવડાનું નામ આવતા જ મોઢામાં પાણી આવી જાય છે. આજે ટેસ્ટી અને બજારમાં મળતા દાળવડા ઘરે કેવી રીતે બનાવવા તેની રેસિપી તમને જણાવશે. આ દાળવડાને તમે સમારેલી ડુંગળી અને તળેલા મરચા સાથે સર્વ કરી શકો છો.
દાળવડા બનાવવા કેટલી સામગ્રી જોઈએ?
- 1 કપ ચણાની દાળ
- 1/2 કપ તુવેર દાળ
- 1/4 કપ મસૂર દાળ
- 1/4 કપ ડુંગળી, બારીક સમારેલી
- 1/4 કપ કોથમીર, બારીક સમારેલી
- 1/4 કપ લીલું મરચું, બારીક સમારેલ
- 1/2 ચમચી આદુની પેસ્ટ
- 1/2 ચમચી લસણની પેસ્ટ
- 1/2 ચમચી જીરું
- સ્વાદ મુજબ મીઠું
- તળવા માટે તેલ
- હીંગ
દાળવડા કેવી રીતે બનાવવા?
- તમામ દાળને 7 કલાક પલાળીને રાખો
- પછી પાણી કાઢી તમામ દાળને મિક્સરજારમાં લઈ લો અને અધકચરી પીસી લો.
- હવે તેમા બારિક સમારેલી ડુંગળી, કોથમીર, લીલા મરચાં, આદુની પેસ્ટ, લસણની પેસ્ટ, જીરું અને મીઠું ઉમેરો. તમે દાળ સાતે પણ આ બધી વસ્તુને અધકચરી પીસી શકો છો. જેથી ટેસ્ટ સારો આવશે.
- પછી કઢાઈમાં તેલ ગરમ કરો. અને ભજીયાની જેમ દાળવડાને તળી લો.
- સોનેરી થાય ત્યાં સુધી તળો, તૈયાર છે તમારા દાળવડા. ગરમાગરમ સર્વ કરો.