ટીમ ઈન્ડિયાના સર્વશ્રેષ્ઠ સ્વિંગ બોલરોમાંથી એક ભુવનેશ્વર કુમારની લાંબા સમયથી BCCI મેનેજમેન્ટ દ્વારા અવગણના કરવામાં આવી રહી છે. તે છેલ્લે વર્ષ 2022માં ભારતીય ક્રિકેટ ટીમ માટે રમ્યો હતો અને ત્યારથી તેને દરવાજો દેખાડવામાં આવ્યો હતો.
લાંબા સમયથી ભારતીય ટીમની બહાર હોવા છતાં ભુવનેશ્વર કુમાર મીડિયાની હેડલાઈન્સમાં રહે છે. છેલ્લા કેટલાક દિવસોથી સોશિયલ મીડિયા પર સમાચાર આવી રહ્યા છે કે ભુવનેશ્વર કુમાર બીજા દેશ માટે રમવાનું નક્કી કરી શકે છે.
આ સમાચાર સાંભળ્યા બાદ તમામ ભારતીય સમર્થકો ખૂબ જ નિરાશ દેખાઈ રહ્યા છે.
ભુવનેશ્વર કુમારને બીસીસીઆઈ મેનેજમેન્ટે દુલીપ ટ્રોફી 2024ની ટીમમાંથી બહારનો રસ્તો બતાવી દીધો છે. આ સાથે જ તેને BCCI મેનેજમેન્ટ દ્વારા વાર્ષિક કોન્ટ્રાક્ટમાંથી પણ બહારનો રસ્તો બતાવી દેવામાં આવ્યો છે. તે છેલ્લા 2 વર્ષથી વાર્ષિક કોન્ટ્રાક્ટનો હિસ્સો નથી અને હવે માત્ર IPL રમતા જોવા મળે છે.
ટીમ ઈન્ડિયાના ફાસ્ટ બોલર ભુવનેશ્વર કુમાર વિશે સમાચાર આવી રહ્યા છે કે, જો તેને BCCIની જેમ ઉત્તર પ્રદેશ ક્રિકેટ એસોસિએશન દ્વારા નજરઅંદાજ કરવામાં આવશે તો તે કોઈ અન્ય દેશ માટે રમશે. જો મીડિયા રિપોર્ટ્સનું માનીએ તો એવી પ્રબળ શક્યતાઓ છે કે ભુવનેશ્વર કુમાર ભારતીય ક્રિકેટમાંથી નિવૃત્તિ જાહેર કરી શકે છે અને અમેરિકન ક્રિકેટ ટીમ માટે રમવાનો નિર્ણય કરી શકે છે.
જો ભુવનેશ્વર કુમારના ક્રિકેટ કરિયરની વાત કરીએ તો તેની કારકિર્દી ઘણી શાનદાર રહી છે. તેણે ભારતીય ટીમ માટે ત્રણેય ફોર્મેટમાં શાનદાર પ્રદર્શન કર્યું છે. ભુવીએ તેની કારકિર્દીમાં અત્યાર સુધી રમાયેલી 21 ટેસ્ટ મેચોની 37 ઇનિંગ્સમાં 26.09ની એવરેજથી 63 વિકેટ ઝડપી છે. ODIની વાત કરીએ તો તેણે 121 મેચની 120 ઇનિંગ્સમાં 5.08ના ઇકોનોમી રેટ અને 35.11ની એવરેજથી 141 વિકેટ લીધી છે. જ્યારે T20માં તેણે 87 મેચની 86 ઇનિંગ્સમાં 23.10ની એવરેજ અને 6.96ની ઇકોનોમી રેટથી 90 વિકેટ ઝડપી છે.