આ વખતે IPL 2025 માટે મેગા ઓક્શન કરવાની તૈયારીઓ ચાલી રહી છે. આ કારણે ટીમોમાં મોટા પ્રમાણમાં ફેરફાર જોવા મળશે. આ મેગા ઓક્શન પહેલા પણ IPL ફ્રેન્ચાઈઝી પોતાની ટીમના કેપ્ટન અને કોચની ભૂમિકાને લઈને મંથન કરવામાં વ્યસ્ત છે.
આ દરમિયાન યુવરાજ સિંહ વિશે એક મોટી માહિતી સામે આવી રહી છે.
દિલ્હી કેપિટલ્સમાં જોવા મળી શકે છે યુવરાજ સિંહ
મીડિયા રિપોર્ટ્સમાં દાવો કરવામાં આવી રહ્યો છે કે દિલ્હી કેપિટલ્સે ટીમના કોચિંગ રોલ માટે ભૂતપૂર્વ ભારતીય ઓલરાઉન્ડર યુવરાજ સિંહનો સંપર્ક કર્યો છે. ગયા મહિનાની શરૂઆતમાં, દિલ્હી કેપિટલ્સે ભૂતપૂર્વ ઓસ્ટ્રેલિયન કેપ્ટન રિકી પોન્ટિંગ સાથેનો સાત વર્ષનો કરાર સમાપ્ત કર્યો હતો. સ્પોર્ટસ્ટારના એક અહેવાલ મુજબ, દિલ્હી કેપિટલ્સ છેલ્લી 3 સીઝનમાંથી કોઈપણમાં પ્લેઓફ માટે ક્વોલિફાય કરી શકી ન હતી અને 2024માં 6ઠ્ઠું સ્થાન મેળવ્યું હતું, તેથી હવે ફ્રેન્ચાઇઝી રિકી પોન્ટિંગની જગ્યાએ યુવરાજ સિંહને ટીમમાં સામેલ કરવા માંગે છે.
Delhi Capitals is in talks with Yuvraj Singh for the coaching role in IPL 2025. [Sportstar] pic.twitter.com/EfoN1yhbiI
— Johns. (@CricCrazyJohns) August 24, 2024
આશિષ નેહરાને રિપ્લેસ કરવાના હતા સમાચાર
અગાઉ અહેવાલોમાં જાણવા મળ્યું હતું કે ગુજરાત ટાઇટન્સના મુખ્ય કોચ આશિષ નેહરા અને ક્રિકેટ ડિરેક્ટર વિક્રમ સોલંકી IPL 2025 પહેલા ટીમ છોડી શકે છે. ફ્રેન્ચાઇઝી યુવરાજ સિંહને ગુજરાત ટાઇટન્સના મુખ્ય કોચ બનાવવા માંગે છે. પરંતુ હવે ચર્ચા છે કે આશિષ નેહરા પહેલાની જેમ ગુજરાત ટાઇટન્સ ટીમ સાથે જોડાયેલા રહેશે.
🚨 Delhi Capitals eye Yuvraj Singh for the IPL 2025 coaching role, as reported by Sportstar. pic.twitter.com/TSWrBS7Mke
— CricketGully (@thecricketgully) August 24, 2024
પ્રથમ વખત કોચની જવાબદારી નિભાવશે
જો દિલ્હી કેપિટલ્સ યુવરાજ સિંહને ટીમનો મુખ્ય કોચ બનાવે છે, તો તે યુવરાજ સિંહ માટે પ્રથમ અનુભવ હશે. અત્યાર સુધી તેણે ક્યારેય કોચ તરીકે કામ કર્યું નથી, જોકે યુવરાજ સિંહે છેલ્લા કેટલાક વર્ષોમાં શુભમન ગિલ અને અભિષેક શર્મા જેવા ખેલાડીઓને તાલીમ આપી છે. આ ટ્રેનિંગ બાદ આ ખેલાડીઓમાં અણધાર્યો સુધારો પણ જોવા મળ્યો છે. જેમાં યુવરાજ સિંહે મોટી ભૂમિકા ભજવી છે.
રિકી પોન્ટિંગ સાથેના સંબંધો તોડ્યા
દિલ્હી કેપિટલ્સે 2018માં ઓસ્ટ્રેલિયાના ભૂતપૂર્વ કેપ્ટન રિકી પોન્ટિંગને ટીમમાં સામેલ કર્યા હતા. પ્રથમ ટર્મમાં, ટીમ પોઈન્ટ ટેબલમાં છેલ્લા સ્થાને રહી હતી. આ પછી, ટીમ 2019, 2020 અને 2021 એડિશનમાં સતત ત્રણ વખત પ્લેઓફમાં પહોંચી હતી. ટીમે 2020માં ફાઈનલ મેચ પણ રમી હતી. જોકે ટીમ ટાઈટલ જીતી શકી નથી. 2021 પછી, ટીમ હજુ પણ પ્લેઓફમાં જગ્યા બનાવી શકી નથી.
સૌરવ ગાંગુલીની પણ ચર્ચા થઈ રહી હતી
એક અહેવાલમાં દાવો કરવામાં આવ્યો હતો કે ફ્રેન્ચાઇઝીના ક્રિકેટ ડિરેક્ટર સૌરવ ગાંગુલીને પણ ટીમનો મુખ્ય કોચ બનાવવામાં આવી શકે છે. ભૂતપૂર્વ ભારતીય કેપ્ટને પણ આ ભૂમિકા ભજવવાની ઈચ્છા વ્યક્ત કરી હતી. જો કે, બાદમાં મીડિયા રિપોર્ટ્સમાં દાવો કરવામાં આવ્યો હતો કે સૌરવ ગાંગુલી દિલ્હી કેપિટલ્સની બહેન ફ્રેન્ચાઈઝી દુબઈ કેપિટલ્સ અને પ્રિટોરિયા કેપિટલ્સની પણ દેખરેખ રાખે છે, તેથી સૌરવ ગાંગુલીને બેવડી ભૂમિકા આપવામાં આવશે નહીં.