ભારતીય ક્રિકેટ ટીમનો સ્ટાર ઓલરાઉન્ડર હાર્દિક પંડ્યા છેલ્લે શ્રીલંકા સામેની T20 સીરીઝ દરમિયાન એક્શનમાં જોવા મળ્યો હતો, ત્યારથી તે લાંબા બ્રેક પર છે. પરંતુ હાર્દિક પંડ્યા હવે ફરી એકવાર મેદાનમાં વાપસી કરવા જઈ રહ્યો છે. હાર્દિક પંડ્યાને બાંગ્લાદેશ સામેની ટી20 સિરીઝ માટે ટીમ ઈન્ડિયાની 15 સભ્યોની ટીમમાં પસંદ કરવામાં આવ્યો છે. આ રાઈટ હેન્ડના ઓલરાઉન્ડરે સિરીઝ માટે પોતાની તૈયારીઓ શરૂ કરી દીધી છે.
આ દરમિયાન તેને લોકોને પોતાના જીવનની સૌથી મોટી પ્રેરણા વિશે પણ જણાવ્યું છે.
હાર્દિક પંડ્યાની સૌથી મોટી પ્રેરણા કોણ છે?
હાર્દિક પંડ્યાએ બુધવારે તેના ઓફિશિયલ ઈન્સ્ટાગ્રામ એકાઉન્ટ પર એક પોસ્ટ શેર કરી હતી. આ તસવીરોમાં તે તેના પુત્ર અગત્સ્ય સાથે નેટ પ્રેક્ટિસ દરમિયાન જોવા મળે છે. આ સમય દરમિયાન પિતા અને પુત્ર વચ્ચે ખૂબ જ પ્રેમભર્યો સંબંધ જોવા મળ્યો. હાર્દિક પંડ્યાએ પોસ્ટના કેપ્શનમાં લખ્યું છે કે મારી સૌથી મોટી પ્રેરણા.
હાર્દિક સાથે જોવા મળ્યો અગસ્ત્ય
હાર્દિક પંડ્યાની આ પોસ્ટને ફેન્સ ખૂબ પસંદ કરી રહ્યા છે અને તેમની જબરદસ્ત પ્રતિક્રિયાઓ પણ આવી રહી છે. એક ફેને લખ્યું છે કે ‘પિતા અને પુત્ર વચ્ચેનો સૌથી મધુર સંબંધ.’ જ્યારથી હાર્દિક પંડ્યા અને નતાશા સ્ટેનકોવિક અલગ થયા છે ત્યારથી અગત્સ્ય તેની માતા સાથે રહે છે. તાજેતરમાં નતાશા ભારત પરત આવી છે, ત્યારબાદ હાર્દિકને અગત્સ્ય સાથે સમય વિતાવવાનો મોકો મળી રહ્યો છે.
ટીમ ઈન્ડિયાને હાર્દિક પંડ્યા પાસેથી ઘણી અપેક્ષા
ટીમ અને ફેનને ટી20 સિરીઝમાં હાર્દિક પંડ્યા પાસેથી ઘણી અપેક્ષાઓ હશે. આ વર્ષે ભારતની છેલ્લી વ્હાઈટ બોલ સિરીઝ પણ હશે, જે પછી મેન ઈન બ્લુ ટેસ્ટ સિરીઝ રમતા જોવા મળશે. આવી પરિસ્થિતિમાં હાર્દિક પંડ્યા ચોક્કસપણે પોતાની છાપ છોડવા માંગશે. સિરીઝની શરૂઆત 6 ઓક્ટોબરે ગ્વાલિયરમાં રમાનાર મેચથી થશે. આ પછી બીજી મેચ દિલ્હીમાં અને ત્રીજી મેચ હૈદરાબાદમાં રમાવાની છે.
બાંગ્લાદેશ સામેની T20 સિરીઝ માટે ટીમ ઈન્ડિયાની ટીમ
સૂર્યકુમાર યાદવ (કેપ્ટન), અભિષેક શર્મા, સંજુ સેમસન, રિંકુ સિંહ, હાર્દિક પંડ્યા, શિવમ દુબે, વોશિંગ્ટન સુંદર, રિયાન પરાગ, નીતિશ કુમાર રેડ્ડી, જીતેશ શર્મા, રવિ બિશ્નોઈ, વરુણ ચક્રવર્તી, અર્શદીપ સિંહ, મયંક યાદવ, હર્ષિત રાણા.