કોહલીએ આગ લગાવી..! વિરાટને લઈ આ શું બોલી ગયા હરભજન સિંહ

વિરાટ કોહલીએ વર્ષ 2021માં ટી-20ની કેપ્ટનશીપ છોડી દીધી હતી અને બાદમાં તેણે ટેસ્ટ અને વનડેની કેપ્ટનશીપ પણ છોડવાનો નિર્ણય લીધો હતો. વિરાટે લગભગ 7 વર્ષ સુધી ટેસ્ટ ટીમનું નેતૃત્વ કર્યું, જ્યારે તેણે ODI અને ટેસ્ટમાં 5 વર્ષ સુધી કેપ્ટન તરીકે પોતાની ભૂમિકા ભજવી. વિરાટ કોહલીની કેપ્ટનશિપ અંગે વાત કરતી વખતે પૂર્વ ભારતીય સ્પિન બોલર હરભજન સિંહે મોટું નિવેદન આપ્યું છે.

તેમનું માનવું છે કે ટીમ ઈન્ડિયા હાલમાં શાનદાર રમી રહી છે, તેનું કારણ વિરાટ કોહલી છે.

હરભજન સિંહનું મોટું નિવેદન

હરભજનનું માનવું છે કે ટીમ ઈન્ડિયા એ જ આગનો ફાયદો ઉઠાવી રહી છે જે વિરાટ કોહલીએ પોતાના કેપ્ટન તરીકેના દિવસોમાં પ્રગટાવ્યો હતો. તેણે પોતાની વાતચીતમાં કહ્યું કે, જો તમે કોહલીની કેપ્ટન્સીમાં વર્લ્ડકપ ન જીતો તો પણ તેનાથી તે ઓછો ખેલાડી અને કેપ્ટન નથી બની જતો. બોર્ડર ગાવસ્કર ટ્રોફી 2020-21નો ઉલ્લેખ કરતા હરભજને કહ્યું કે ત્રીજી ટેસ્ટ દરમિયાન વિરાટ કોહલીએ પારિવારિક કારણોસર સીરિઝ અધવચ્ચે જ છોડી દેવી પડી હતી. તેની જગ્યાએ અજિંક્ય રહાણેને કેપ્ટન બનાવવામાં આવ્યો હતો.

વિરાટે ટીમ ઈન્ડિયામાં લાવ્યો બદલાવ

વિરાટે ટીમમાં જે આગ લગાવી હતી, તેણે ટેસ્ટની ચોથી ઇનિંગમાં 400 રનનો ટાર્ગેટ કોઈ પણ ગભરાટ વિના હાંસલ કરી લીધો હતો. આ પછી તેણે ગાબા ટેસ્ટને યાદ કરી, જેમાં રિષભ પંતે શાનદાર રમત બતાવી હતી અને ભારતે છેલ્લા દિવસે 300થી વધુ લક્ષ્‍યાંકનો પીછો કરીને મેચ જીતી લીધી હતી અને શ્રેણી જીતી લીધી હતી. આવું એટલા માટે થયું કારણ કે વિરાટની કેપ્ટન્સીમાં ટીમ ઈન્ડિયાની વિચારસરણી બદલાઈ ગઈ હતી.

ટેસ્ટમાં વિરાટ કોહલીનું શાનદાર પ્રદર્શન

વિરાટ કોહલીએ અત્યાર સુધી સૌથી વધુ ટેસ્ટમાં ભારતનું નેતૃત્વ કર્યું છે. આ સમયગાળા દરમિયાન, ભારતે વિરાટની કેપ્ટન્સીમાં સૌથી વધુ મેચ જીતી છે. 68 ટેસ્ટમાં ભારતની કેપ્ટનશિપ દરમિયાન કોહલીએ 40 મેચ જીતી હતી, જ્યારે ભારત 17 મેચ હારી ગયું હતું. 11 મેચ ડ્રો રહી હતી.

જ્યારે એમએસ ધોનીએ 60 ટેસ્ટમાં ભારતનું નેતૃત્વ કર્યું હતું, જેમાં ટીમ ઈન્ડિયાએ 27 મેચ જીતી હતી, જ્યારે ટીમને 18 મેચમાં હારનો સામનો કરવો પડ્યો હતો, જ્યારે કેપ્ટન કૂલની કેપ્ટન્સીમાં 15 મેચ ડ્રો રહી હતી. વિરાટની કેપ્ટનશીપ છોડ્યા બાદ રોહિત શર્મા ટેસ્ટમાં ભારતની કમાન સંભાળી રહ્યો છે. તેમના નેતૃત્વમાં ભારતે વર્લ્ડ ટેસ્ટ ચેમ્પિયનશિપની 2023ની ફાઇનલમાં ભાગ લીધો હતો. પરંતુ ટીમ ઈન્ડિયાને ઓસ્ટ્રેલિયાના હાથે હારનો સામનો કરવો પડ્યો હતો.