શુભમન ગિલ બન્યો સિંગર, તેના જન્મદિવસે મિત્રો સાથે મસ્તી કરતો વીડિયો વાયરલ

by

ભારતના સ્ટાર બેટ્સમેન શુભમન ગીલે રવિવારે એટલે કે 8 સપ્ટેમ્બરે પોતાનો 25મો જન્મદિવસ ઉજવ્યો હતો. શુભમન ગિલના જન્મદિવસની પાર્ટીનો એક વીડિયો સોશિયલ મીડિયા પર વાયરલ થઈ રહ્યો છે જેમાં તે તેના મિત્રો સાથે ગીત ગાતો અને પાર્ટી કરતો જોવા મળી રહ્યો છે.

મિત્રો સાથે જન્મદિવસની પાર્ટી

શુભમન ગીલે તેનો જન્મદિવસ તેના મિત્રો સાથે ઉજવ્યો હતો.

આ દરમિયાન તેના ખાસ મિત્રો ઈશાન કિશન, શ્રેયસ ઐયર અને કેએલ રાહુલ બર્થડે પાર્ટીમાં તેની સાથે મસ્તી કરતા જોવા મળ્યા હતા. વાયરલ વીડિયોમાં શુભમન ગિલ અને તેના તમામ મિત્રો રેપર ડિવાઈન અને લોકપ્રિય પંજાબી ગાયક કરણ ઔજલાનું ગીત ‘100 મિલિયન’ ગાતા જોવા મળે છે. શુભમન ગિલને પંજાબી ગીતો પસંદ છે, તે ઘણીવાર પંજાબી ગીતો સાંભળતો જોવા મળે છે.

દુલીપ ટ્રોફીમાં ચાહકોના દિલ જીતી લીધા

જ્યારે શુભમન ગિલ અગાઉ દુલીપ ટ્રોફી 2024માં રમતા જોવા મળ્યો હતો. શુભમન ગિલે દુલીપ ટ્રોફીમાં ઇન્ડિયા A ટીમની કેપ્ટનશીપ કરી હતી, પરંતુ તેની ટીમને પહેલી જ મેચમાં હારનો સામનો કરવો પડ્યો હતો. આ દરમિયાન શુભમને પ્રથમ દાવમાં 25 રન બનાવ્યા હતા અને બીજી ઇનિંગમાં 21 રન બનાવીને આઉટ થયો હતો. મેચ હાર્યા બાદ પણ શુભમન ગિલે તેના ચાહકોનું દિલ જીતી લીધું હતું.

શુભમન ગિલનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તે મેચ બાદ તેના સુપર ફેન્સને તેની સાઈન કરેલી જર્સી ગિફ્ટ કરી રહ્યો છે. એટલું જ નહીં, ગિલે તે ફેન સાથે ક્લિક કરેલો ફોટો પણ મેળવ્યો હતો. શુભમન અને તેના સુપર ફેનની આ તસવીર સોશિયલ મીડિયા પર ઝડપથી વાયરલ થઈ રહી છે.

Pin