ઉનાળાની કાળઝાળ ગરમીમાં આ રીતે બનાવો ઠંડી-ઠંડી કાજુ બદામ કુલ્ફી, ગેરંટી છે સૌ કોઈને ભાવશે

કુલ્ફીનું નામ સાંભળતા જ દરેકના મોંમાં પાણી આવી જાય છે. અલગ-અલગ ફ્લેવરની ઠંડી-ઠંડી કુલ્ફી સ્વાદમાં ટેસ્ટી હોય જ છે, સાથે જ તે સ્વાસ્થ્યને પણ ઘણો ફાયદો પહોંચાડે છે. દૂધ અને ડ્રાયફ્રૂટ્સમાંથી બનેલી કુલ્ફીમાં પ્રોટીન, કાર્બોહાઇડ્રેટ્સ, કેલ્શિયમ, આયર્ન અને ફાઈબર ભરપૂર માત્રામાં હોય છે.

તમે બધાએ બજારમાં મળતી કુલ્ફી તો ઘણીવાર ખાધી હશે, પરંતુ ઘરે બનાવેલી કાજુ બદામ કુલ્ફીનો સ્વાદ દરેકને દિવાના બનાવી દે છે.

તેને બનાવવાની રેસિપી એકદમ સરળ છે. તેને બનાવવામાં વધુ સમય લાગતો નથી. ઘરના તમામ સભ્યોને તે પસંદ આવશે. ચાલો જાણીએ કાજુ કુલ્ફી બનાવવાની અદ્ભુત રેસિપી વિશે.

સમગ્રી
કાજુ – 25, બદામ – 25, દૂધ – 500 મિલીગ્રામ, છીણેલો ગોળ – 10 ટીસ્પૂન, ઈલાયચી પાઉડર – 1/4 ટીસ્પૂન,- ફેટ ક્રીમ – 3 ટેબલસ્પૂન

બનાવવાની રીત

• સૌથી પહેલા કાજુ, બદામ અને ફેટક્રીમને સરસ રીતે ક્રશ કરી લો, જેથી તેની મસ્ત પેસ્ટ બની જાય. ત્યારબાદ એક તપેલી લો. તેમાં દૂધ ઉકાળવા મૂકો. હવે તેમાં આ પેસ્ટને મિક્સ કરો. બરાબર હલાવી લો અને 15 મિનિટ સુધી ઉકળવા દો.
• ત્યારબાદ ગોળ, ઈલાયચી પાઉડર ઉમેરો અને બરાબર હલાવી લો. જ્યારે આ મિશ્રણ થોડુ ઠંડુ પડે એટલે કુલ્ફીના મોલ્ડમાં ભરી લો.
• બરાબર સેટ થાય ત્યાં સુધી ફ્રીઝરમાં રાખો. બરાબર જામી જાય એટલે તેને સર્વ કરો.