બ્રાઉનીનું નામ સાંભળીને માત્ર બાળકો જ નહીં દરેકના મોમાં પાણી આવી જાય છે. બ્રાઉનીનું ટેક્સ્ચર કેક જેવું હોય છે. તમે બજારમાંથી ખરીદીને ઘણીવાર બ્રાઉની ખાધી હશે. પરંતુ શું તેને ક્યારેય ઘરે બનાવવાનો પ્રયાસ કર્યો છે? જો નહીં, તો આજે અમે તમારા માટે બ્રાઉનીની રેસીપી લઈને આવ્યા છીએ. તમને વીકએન્ડમાં કંઈક મીઠું ખાવાનું મન થાય તો તમે ઘરે રેડ વેલ્વેટ બ્રાઉની બનાવી શકો છો.
રેડ વેલ્વેટ બ્રાઉની ઘરના દરેક લોકોને ભાવે છે. ચાલો તમને તેની સરળ રેસીપી જણાવીએ.
મિલ્ક ચોકલેટ – 100 ગ્રામ
તેલ – 1/2 કપ
દૂધ – 1/2 કપ
મેંદો – 1/2 કપ
ઘઉંનો લોટ – 1/2 કપ
ખાંડ – 3/4 કપ
બેકિંગ પાવડર – 1/2 ચમચી
વેનીલા એસેન્સ- 1/2 ટીસ્પૂન
લાલ ફૂડ કલર – 1/2 ચમચી
ચોકો ચિપ્સ – 1/4 કપ
સૌ પ્રથમ મેંદો, ઘઉંનો લોટ અને બેકિંગ પાવડરને સારી રીતે ચાળી લો.
હવે ગેસ પર એક બાઉલમાં પાણી ગરમ કરો. બીજા બાઉલમાં ચોકલેટના ટુકડા લો. બાઉલની ઉપર બાઉલ મૂકીને ચોકલેટને ઓગાળો.
પછી તેમાં તેલ ઉમેરો, બધું બરાબર મિક્સ કરો અને બાઉલને ગેસ પરથી નીચે ઉતારી લો.
દૂધ અને વેનીલા એસેન્સ મિક્સ કરો. હવે લાલ ફૂડ કલર ઉમેરો.
ચોકલેટ સોલ્યુશનને સૂકા મિશ્રણમાં ધીમે ધીમે ઉમેરો.
રેડ વેલ્વેટ બ્રાઉની મિશ્રણ તૈયાર છે. હવે ફોઇલ અથવા બટર પેપર વડે લાઇનિંગ કરીને પેન તૈયાર કરો.
ત્યારબાદ તૈયાર કરેલું મિશ્રણ ઉમેરો અને તેને ફેલાવો.
ઉપરથી ચોકો ચિપ્સ વડે ગાર્નિશ કરો અને ઓવનને 180℃ પર પ્રીહિટ કરો.
હવે બેટરને ઓવનમાં 25 મિનિટ માટે બેક કરો.
હવે તૈયાર કરેલી બ્રાઉનીના પેનને બહાર કાઢો, તેને ઠંડુ થવા દો અને પછી તેના ટુકડા કરી લો.
સોફ્ટ રેડ વેલ્વેટ બ્રાઉનીને સર્વ કરો. તમે ઈચ્છો તો તેને વેનીલા આઈસ્ક્રીમ સાથે પણ સર્વ કરી શકો છો.
