આઈપીએલ 2024 (IPL 2024)માં રોયલ ચેલેન્જર્સ બેંગલુરુ (Royal Challengers Bengaluru)ની ટીમનું પ્રદર્શન ખૂબ જ ખરાબ રહ્યું છે. ટીમ 6 મેચોમાંથી ફક્ત એક મેચ જ જીતી શકી છે. હાલ આરસીબી (RCB) પોઈન્ટ્સ ટેબલમાં 10મા સ્થાને છે. જો કે, તેમ છતાં આરસીબીની ટીમ ફાઈનલમાં પહોંચી શકે છે. આ પ્રકારનો દાવો ફેન્સ દ્વારા સોશિયલ મીડિયા પર કરવામાં આવી રહ્યો છે.
આઈપીએલ 2016માં આરસીબીની ટીમ ફાઈનલમાં પહોંચી હતી. ત્યારે પણ વિરાટ કોહલીની ટીમની શરૂઆત આ વર્ષ જેવી જ હતી. જો કે, ટીમ શાનદાર કમબેક કરતા ફાઈનલમાં જગ્યા બનાવી હતી. ત્યારે આ વર્ષે પણ આરસીબીના ફેન્સ આ પ્રકાર ચમત્કારની આશા કરી રહ્યા છે અને આજ કારણ છે કે, આરસીબીના ફાઈનલમાં પહોંચવાનો દાવો કરવામાં આવી રહ્યો છે.
આઈપીએલ 2016માં આરસીબીની ટીમને પ્રથમ સાત મેચમાંથી પાંચ મેચમાં હારનો સામનો કરવો પડ્યો હતો. જો કે, ત્યારબાદ આરસીબી બાકીની સાત મેચોમાંથી 6 મેચમાં જીત મેળવીને પોઈન્ટ્સ ટેબલમાં બીજા સ્થાને રહી હતી. આ સિઝનમાં પણ આરસીબી 6 મેચોમાંથી ફક્ત એક મેચમાં જ જીત મેળવી શકી છે. એવામાં ફેન્સ દાવો કરી રહ્યા છે કે, આ ટીમ 2016 જેવું ચમત્કાર કરીને ફાઈનલમાં એન્ટ્રી કરશે.
