ફિલ્મો અને પુસ્તકોમાં પ્રેમને જ સંબંધોનો આધાર જણાવવામાં આવે છે. આના પરથી એ સમજાય છે કે જો તમારા અને તમારા પાર્ટનરની વચ્ચે પ્રેમ છે તો સંબંધ હંમેશા જળવાઈ રહેશે, પરંતુ શું ખરેખર માત્ર પ્રેમ જ કોઈ સંબંધની સફળતાની ગેરંટી છે? આનો જવાબ છે ના, સંબંધ માટે પ્રેમ જરૂરી તો છે, પરંતુ તે એકલો સંબંધને સફળ બનાવી શકતો નથી.
બે લોકોની વચ્ચે પ્રેમની સાથે-સાથે આ 5 વસ્તુઓનું હોવું પણ ખૂબ જ જરૂરી છે.
સન્માન
કોઈપણ સંબંધનો પાયો સન્માન પર ટકેલો હોય છે. આમાં એકબીજાની લાગણીઓ, વિચારો અને જરૂરિયાતોને સમજવા અને તેમનો આદર કરવાનો સમાવેશ થાય છે. જે સંબંધમાં પરસ્પર આદર(મ્યૂચુઅલ રિસ્પેક્ટ) હોય છે તે સંબંધ ખરાબમાં ખરાબ દિવસોમાં પણ ખરો રહે છે.
વિશ્વાસ
વિશ્વાસ વગર કોઈપણ સંબંધ ટકી શકતો નથી. આનો અર્થ એ છે કે તમે તમારા પાર્ટનર પર આંધળો વિશ્વાસ કરી શકો, તેમની પ્રામાણિકતા અને વચનો પર વિશ્વાસ કરી શકો. વિશ્વાસ હોય તો જ તમે એકબીજાની સાથે ખુલીને વાત કરી શકો છો અને મુશ્કેલીઓનો સામનો સાથે મળીને કરી શકો છો.
સંવાદ
અસરકારક સંવાદ એ કોઈપણ સંબંધનું કરોડરજ્જુ છે. આનો મતલબ એ છે ખુલ્લા દિલથી વાતચીત કરવી, એકબીજાની વાત સાંભળવવી અને સમજવાનો પ્રયાસ કરવો. સમસ્યાઓ પર મૌન રહેવાથી કે ગુસ્સામાં વાત કરવાથી સંબંધોમાં અંતર વધે છે.
સ્વતંત્રતા
કોઈપણ સંબંધમાં સ્વતંત્રતા હોવી ખૂબ જ જરુરી હોય છે. આનો અર્થ એ છે કે તમને બંનેને તમારી જાતને વ્યક્ત કરવાની, તમારા મિત્રોની સાથે મળવાની અને વ્યક્તિગત રીતે વિકાસ થવાની સ્વતંત્રતા હોવી. આવા સંબંધમાં ક્યારેય કંટાળો કે પાર્ટનરની વચ્ચે અંતર આવતું નથી.
સ્વીકાર્યતા
જીવનમાં દરેકનો સ્વભાવ અલગ-અલગ હોય છે. આવી સ્થિતિમાં સંબંધોમાં સ્વીકૃતિ હોવી જરૂરી છે. આનો અર્થ છે કે તમે બંને એકબીજાની ખામીઓ અને શક્તિઓને સ્વીકાર કરો અને એકબીજાની સાથે તાલમેળ જાળવી શકો. સંબંધોમાં ઉતાર-ચઢાવ આવતા રહે છે અને અનુકૂલનક્ષમતા સાથે તમે તેનો સામનો સકારાત્મક રીતે કરી શકો છો.
