T20 વર્લ્ડ કપ જીત્યા બાદ ભારતીય ટીમ બાર્બાડોસમાં અટવાઈ ગઈ છે. બેરીલ તોફાનના કારણે ટીમ ઈન્ડિયા હોટલમાં જ છે. રવિવારે જ સમાચાર આવ્યા હતા કે 29 જૂને દક્ષિણ આફ્રિકાને હરાવીને T20 વર્લ્ડ કપ જીતનારી ટીમ ઈન્ડિયા આ ટાપુ દેશમાં અટવાઈ ગઈ છે.
બેરીલ તોફાન સોમવારે સવારે લેન્ડફોલ કરશે. બેરીલ કેટેગરી 4નું તોફાન છે. અને તેના પરિણામો બાર્બાડોસમાં તેના લેન્ડફોલ પછી બહાર આવી શકે છે.
અહેવાલો અનુસાર, એટલાન્ટિકમાં આવી રહેલા આ બેરીલ વાવાઝોડાને કારણે 210 કિલોમીટર પ્રતિ કલાકની ઝડપે પવન ફૂંકાઈ રહ્યો છે. આ તોફાન બાર્બાડોસથી લગભગ 570 કિલોમીટર દૂર હતું. અને આ કારણોસર એરપોર્ટ પરની કામગીરી પણ અટકાવી દેવામાં આવી છે. જેના કારણે એરપોર્ટ પણ એક દિવસ માટે બંધ રહી શકે છે. બોર્ડ તરફથી આ અંગે કોઈ સત્તાવાર નિવેદન આવ્યું નથી.
ભારતીય ટીમ હાલ હિલ્ટન હોટલમાં રોકાઈ છે. પહેલા યોજના એવી હતી કે ચાર્ટર્ડ પ્લેન દ્વારા ભારતને બહાર કાઢવામાં આવશે પરંતુ રવિવારથી એરપોર્ટ બંધ છે. દક્ષિણ આફ્રિકાની ટીમ રવિવારે સવારે જ ઘરે જવા રવાના થઈ ગઈ હતી.
પહેલા પ્લાન એવો હતો કે ટીમ બ્રિજટાઉનથી ન્યૂયોર્ક જશે અને ત્યાંથી દુબઈ થઈને ભારત આવશે. પરંતુ હવે તેમને ચાર્ટર્ડ ફ્લાઈટ દ્વારા દિલ્હી લાવવાની યોજના પર કામ ચાલી રહ્યું છે. રિપોર્ટ્સ અનુસાર, BCCI સેક્રેટરી જય શાહ આ માટે એક પ્લાન પર કામ કરી રહ્યા છે. હાલમાં સહાયક સ્ટાફ, પરિવારો અને અધિકારીઓ સહિત લગભગ 70 સભ્યો છે. શાહે બ્રિજટાઉનમાં કહ્યું, ‘તમારી જેમ અમે પણ અહીં અટવાયેલા છીએ. પ્રવાસની યોજનાઓ સ્પષ્ટ થઈ જાય પછી અમે ઉજવણી વિશે વિચારીશું.
