વિન્ડિઝ શ્રેણી માટે ઈંગ્લેન્ડની ટેસ્ટ ટીમમાંથી બેરસ્ટો, ફોક્સ અને લીચને પડતા મૂકાયા

વેસ્ટ ઈન્ડિઝ સામેની આગામી બે ટેસ્ટ મેચની સિરીઝ માટે ઈંગ્લેન્ડની ટીમમાંથી જોની બેરસ્ટો, બેન ફોક્સ અને જેક લીચને પડતા મુકવામાં આવ્યા છે. ઈંગ્લેન્ડની 14 સભ્યોની ટેસ્ટ ટીમમાં ત્રણ નવા અનકેપ ખેલાડીઓ વિકેટકીપર બેટ્સમેન જેમી સ્મિથ, ઝડપી બોલર ગસ એટકિન્સન તથા ડિલ્લોન પેનિંગ્ટનનો સમાવેશ કરાયો છે. લીચના સ્થાને યુવા સ્પિનર શોએબ બશિરનો ટીમમાં સમાવેશ કરાયો છે.

41 વર્ષીય જેમ્સ એન્ડરસનનો ટીમમાં સમાવેશ કરાયો છે પરંતુ તે લોર્ડ્સ ખાતે ફક્ત પ્રથમ ટેસ્ટમાં રમશે. 10 જુલાઈથી ઈંગ્લેન્ડ અને વેસ્ટ ઈન્ડિઝ વચ્ચે પ્રથમ ટેસ્ટનો પ્રારંભ થશે.

ઈંગ્લેન્ડની ટેસ્ટ ટીમઃ સ્ટોક્સ (સુકાની, એન્ડરસન (પ્રથમ ટેસ્ટ માટે), એટકિન્સન, બશિર, બ્રુક, ક્રોલી, ડકેટ, લોરેન્સ, ડિલ્લોન, પોપ, પોટ્સ, રૂટ, સ્મિથ, વોક્સ.